Otxandiano: "Eskola publikoaren abandonua errealitate bat da eta komunitate horrek aitortza bat behar du”
Eskola publikoaren abandonua errealitate bat dela eta komunitate horrek errekonozimendua behar duela aldarrikatu du ostiral honetan Pello Otxandianok. EH Bilduren Programa arduradunak Eusko Legebiltzarrean lantzen ari diren etorkizuneko hezkuntza lege berria izan du hizpide Euskadi Irratiko "Faktoria" saioan egin dioten elkarrizketan. Hortik aterako den legeak euskal hezkuntza sistema publikoa indartzeko balio behar duela uste du Otxandianok. Ez hori bakarrik, bere arkitektura aldatu behar dela dio: "Aldaketa estrukturala behar du eskola publikoak, izan ditzan baldintzak eta baliabideak bere autonomia garatzeko eta hezkuntza kalitatean jauzia emateko".
Hezkuntza legearen inguruko akordioa duela astebete baino urrunago ote dagoen galdetuta, ezetz erantzun du. Otxandianoren ustez, eginda zegoenaren errelatoa sortu da eta ez da horrelakorik egon: "Badago oinarri bat partekatzen duguna eta orain bakoitzak egingo ditu bere ekarpenak". Dena dela, oraindik ere hezkuntza legea osatu arteko bidea luzea dela nabarmendu du. Eusko Legebiltzarreko talde parlamentarioek martxoaren 4ra arteko epea izango dute ekarpenak egiteko. "Testu bat adostuta ere hortik lege bat osatu arteko bidea luzea da", gehitu du.
A, B eta D ereduen logikari buelta bat eman behar zaiolakoan dago. Azaldu duenez, orain arte etxetik euskara gutxi ekartzen zuenari euskara gutxi ematen zaio eskolan. Hori goitik behera aldatu eta etxean euskara gutxi jaso duenari eskolak euskara gehiago ematea defendatu du. "Helburua da derrigorrezko eskolaldia amaitzen denean herritar guztiek izatea gutxieneko gaitasuna bi hizkuntzatan", gaineratu du. PSE-EEk hori babestuko ote duen galdetuta, ez du imajinatzen hizkuntzak ikastearen kontra dagoenik.
Azken aldian EH Bilduk eta Eusko Jaurlaritzak hainbat arlotan lortutako akordioen harira, adostasunen beharra azpimarratu du: "Herri txiki bat gara mundu globalizatu batean eta biziraungo badugu eta etorkizunari modu baikorrean erantzungo badiogu behartuta gaude herri akordioak egitera". Hezkuntzari dagokionez, akordiorik eza ez dela aukera bat zehaztu du.
Eusko Alkartasunako (EA) desdostasunek EH Bilduri nola eragin diezaioketen galdetuta, ez diotela eragiten erantzun du. Otxandianoaren hitzetan, EH Bilduk erakutsi du gaitasuna duela bere baitan dagoen aniztasuna kudeatzeko eta jendeak hori saritu duela. Asteburuko EAren Batzar Nazionalean sektore kritikoa gailenduta ere ez du arriskurik ikusten.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.