Casadok ez du dimisioa eman, eta denbora irabazi du astelehenerako Zuzendaritza Batzorde Nazionala deituta
Pablo Casado PPko presidenteak Zuzendaritza Batzorde Nazionalaren bilera deitu du datorren astelehenerako. Kongresu arteko organo gorena da alderdian. PPren zuzendaritzak zazpi ordu baino gehiagoko batzarra egin du Genova kaleko egoitzan, Madrilen.
Horrela, denbora irabazi eta astebeteko tartea lortu nahi du Casadok. Denbora tarte hori harremanak izateko aprobetxatu nahi du, lurraldeekin adostasunak bilatu nahian. Bere taldeko iturrien arabera, Alberto Nuñez Feijootik edo Juan Morenotik gertu dauden pertsonak zuzendaritzan sartzeko asmoa du Casadok.
Nahiz eta alderdi barruko presioa handia izan, PPko buruzagiak dimisioa emateri uko egin dio, eta horren ordez indarrak neurtzearen aldeko apustua egin du Zuzendaritza Batzorde Nazionalean.
Teodoro Garcia Egea PPko idazkari nagusiak zuzendutako Pablo Casadoren konfiantzazko taldea indarrak neurtzen ari da alderdi barruan. Haren arabera, probintzietako presidenteen erdia baino gehiagok Casadori babesa adierazi diote, gutxienez alderdiko kongresu nazionala egin arte, gertuko iturriek Europa Pressi jakitera eman diotenez.
Garcia Egearen gertuko iturriek salatu dutenez, PPko buruzagi batzuek -Isabel Diaz Ayusori eta Alberto Nuñez Feijoori erreferentzia zuzena eginez- zuzendaritzako kideei deitu diete, alderdiko buruzagien dimisioak behartzeko eta Casadoren "nukleo gogorra hautsi dela saltzeko".
Arratsaldean parlamentari eta kargudun ugari pasa dira PPko egoitza nagusitik. Casadok eta Garcia Egeak deitu dituzte. Indarrak neurtzen ari dira kongresu nazionalera arte eutsi nahian -printzipioz, uztailean egin beharrekoa- PPko buruzagiak alde egiteko presioak gora egin duen unean.
Besteak beste, Edurne Uriarte, Diego Movellan, Andres Lorite, Jose Ortiz, Ramon Herrera, Pablo Ruz eta Vicente Betoret Genovan izan dira arratsaldean.
Era berean, Almeria, Jaen, Kordoba, Sevilla, Caceres eta Badajozeko probintzia presidenteak eta Pedro Rollan Madrilgo presidente ohia deitu dituzte.
Ramon Herrera PPko diputatua da Andaluziako Parlamentuan. Bileratik atera denean azaldu duenez, Casadori babesa adierazi dio. Alderdiko buruzagia "lasai" ikusi duela erantsi du. Alderdiaren inguruko eztabaida "alderdian" egitea eskatu du Herrerak, "ez sare sozialetan".
Casadoren eta Garcia Egearen gertuko iturriek ziurtatu duenez, Genovara hurbildu diren kargudunek "elkartasuna" adierazi diote zuzendaritzari, eta "30 edo 40 probintzia presidente inguruk", gehienek, babesa azaldu diete ere.
Iturrien arabera, gutxienez kongresu nazionalera arte eustea eskatu diote, hau da, uztailera arte, aurreratu ezean.
Hala ere, Casadok alde egiteko presioak gora egin du azken orduetan. Alberto Nuñez Feijoo Galiziako Gobernuko presidente eta bertako PPren buruzagiak Alderdi Popularreko beste agintari batzuekin hitz egin du.
La Vanguardia, El Mundo edo El Pais komunikabideek, besteak beste, jakitera eman dutenez, Alberto Nuñez Feijoo, Juan Manuel Moreno Bonilla, Alfonso Fernandez Mañueco eta Isabel Diaz Ayuso PPko lau buruzagi nagusiek Casadoren dimisioa eskatu dute dagoeneko.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.