Ezenarro: "Zintzotasun ariketa egin eta indarkeriaren erabilera gaizki egon dela onartu behar dugu"
Memoriaren, Bizikidetzaren eta Giza Eskubideen Gogora Institutuko zuzendari Aintzane Ezenarro elkarrizketatu du astearte honetan Euskadi Irratiak, hiru biktimak eta beste horrenbeste historialarik prestatuko duten EAEn memoriaren gizarte-eraikuntzarako oinarri partekatuen dokumentuari buruz jarduteko. Eztabaida politikoa gainditzea eta memoriaren inguruan beste begirada bat sustatzea izango du helburu sei kidez osatutako lantalde horrek, eta horretaz aritu da solasean Gogora Institutuko zuzendaria Euskadi Irratian.
Ezenarrok onartu duenez, asmoa bera ez da erraza, eta "ez da lehenengo saiakera". Dena den, nabarmendu du aurrerapenen batzuk izan direla, eta berriro saiatu beharra zegoela, "eskubideen urraketaren gainean gutxieneko begirada partekatu bat nahitaezkoa delako".
Hartara, proposamen honekin beste bide batzuk urratu nahi dituzte. "Elkarrizketa politikoak egin zuen berea, eta, helburua bete ezinda, Gogorak hartu zuen lekukoa. Lantalde honekin lortu nahi duguna da hurrengo belaunaldiek protagonismo berezia izatea", adierazi du.
Memoria lantaldea bertan behera geratu eta hiru urtera iritsi da ekimen hau. "Erraza ez izanagatik, ez da saiakera bertan behera utzi behar. Denbora pasatu da, eta horrek lagun dezake honetan", esan du.
Hala eta guztiz ere, "zintzotasun ariketa egin behar dugu", Ezenarroren hitzetan, "iragan hurbilari begiratu, eta indarkeria erabiltzea gaizki egon dela onartuz". "Horretara iristea da xedea. Euskal gizartean, zorionez, ia erabateko adostasuna dago, eta biktima guztiek ere bat egin dute ideia horrekin, alegia, ez dute eufemismorik bilatzen gainontzekoek jasan duten indarkeria ere gaizki egon dela onartzeko orduan. GALek egin zuena gaizki egon zen, baita ETAk egin zuena ere. Horretara heldu behar gara, hori onartzera", azpimarratu du.
"Aurretik lan nekeza badute ere", alderdi politikoen artean posible izan ez zen akordioa bilatzeko ardura izango du, beraz, lantalde horrek.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.