EAEko klusterrak bihar bilduko dira gerraren ondorio ekonomikoak aztertzeko, lehendakariak iragarri duenez
Iñigo Urkullu lehendakariak iragarri duenez, bihar Euskal Autonomia Erkidegoko (EAE) kluster garrantzitsuenak bilduko dira Ukrainako gerraren ondorio ekonomikoak aztertzeko. "Gertatzen ari dena ankerkeria da, nazioarteko legediaren hauste bat da, baita giza eskubideen urraketa ere", salatu du.
Gatazkak kaltetutako enpresei zuzendutako laguntzak aztertuko dituztela ere nabarmendu du. "Ez gara gas edo lehengaien hartzaile zuzenak, baina eragiten digu; batez ere, autogintza sektoreari edo gasa eta petrolioaren arloari", azaldu du. Eusko Jaurlaritzak hirugarren sektorearekin prestatu duen errefuxiatuak artatzeko planari buruz, Euskadik arlo horretan "aurreko gertakari dramatikoetan, Balkanetako gerran esaterako, metatutako eskarmentua" baduela esan du lehendakariak Onda Vasca irratian egin dioten elkarrizketan, eta horixe aplikatuko duela oraingoan ere.
"Atzo arlo eta sail ezberdinen arteko bilera izan genuen, eta hainbat eremutatik lantzea adostu. Harrera egiteaz gain, Euskadin gizarteratu behar ditugu, euren osasuna, hezkuntza, etxebizitza bermatu behar ditugu", azaldu du.
Gai politikoak ahotan, eta PPren krisiaz eta Casadoren agurraz galdetuta, lehendakariak aitortu du baduela "harreman instituzional, politiko eta pertsonala" Alberto Nuñez Feijoo PPko burua izateko hautagaia izan daitekeenarekin. Horren ildoan, espero du PP berri hori "irekiago" jardutea "Euskadik duen autogobernu bereziarekin". Gogorarazi duenez, autogobernu hori Konstituzioak eta Gernikako Estatutuak aitortua dago.
Azkenik, Osakidetzan dagoen lan gatazkaz eta bi greba egunez galdetuta esan duenez, "ostiralean langileen % 70ek lan egin zuten, eta astelehenean, % 90ek, sindikatuek emandako informazio interesatuak gorabehera". Horren hitzetan, "osasun arloan ez da murrizketarik egon", eta Osakidetzaren mahai sektoriala da gobernuak eta sindikatuek euren proposamenak plazaratzeko foroa.
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.