Otegi: "Ez gara Putinzaleak, eskuinekoa da eta pribatizatzaile hutsa"
Arnaldo Otegi EH Bilduren koordinatzaile nagusiak azpimarratu du koalizio subiranista ez dela Vladimir Putin Errusiako presidentezalea. "Putin ez da ezkerrekoa, eskuinekoa baizik, eta pribatizatzaile hutsa da", argudiatu du. Dena dela, Ukraina eta Errusiaren arteko gatazka bide diplomatikoetatik konpondu behar dela nabarmendu du, ez armak bidalita. Gainera, gogorarazi duenez, Errusia potentzia nuklear bat da, eta "mundua 48 orduan pikutara bidal dezake".
EH Bildu Putinen alde egotea eta NATOaren aurkako jarrera "obsesiboa" izatea egotzi dio EAJk, eta horri buruz galdetu diote Otegiri Euskadi Irratiko "Faktoria" saioan egin dioten elkarrizketan. Halako adierazpenak "umorez" hartzen dituztela adierazi du EH Bilduko koordinatzaileak, eta, gogora ekarri duenez, "Euskal Herriak demokratikoki ezetz esan zion NATOri. Herri honen erabakia da, ez gure obsesioa".
Espainiako Gobernuak Sahararen auziaren aurrean izan duen jarrera aldaketaz, honako hipotesia bota du Otegik: "Bada pentsatzen duenik Espainia plataforma estrategikoa izan daitekeela gasaren alorrean. Orduan, Espainiak erabaki du irabazleekin lerrokatzea, AEBrekin, Alemaniarekin eta Frantziarekin, eta herri bat sakrifikatu du. Horrek frogatu du mendebaldean dagoen hipokresia: herri bat saldu dute nazioartean hartutako erabakia errespetatu gabe eta Marokoren aldeko apustua eginda".
Sanchezen azken erabakiek (Sahararena, Ukrainara armak bidaltzearena...) EH Bilduk Espainiako Gobernuari emandako babesa kolokan jar ote dezakeen galdetuta EH Bilduko buruzagiak erantsi duenez, "PSOEk erabaki behar du non kokatzen duen bere burua, eta azken erabakiek erregimenaren lekuan jartzen dute". "Ez dugu guk galtzen, beraiek galtzen dute", erantsi du.
Hezkuntza alorrean Eusko Legebiltzarreko lau alderdik, EH Bilduk tartean, lortutako akordioa ere izan du hizpide Otegik. Horren ustez, "aukera historiko baten aurrean" gaude, baina lortu den hori hiru lurraldetarako bakarrik dela nabarmen du, eta Euskal Herriak zazpi dituela. Hizkuntzari dagokionez, helburua finkatzea lortu dutela adierazi du, alegia, ikasleek ikasketak amaitutakoan izan behar duten hizkuntza maila zehaztea. "Euskarak izan behar du ez bakarrik ardatz, baizik eta helburu hezkuntza itun horretan", Otegiren iritzian.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.