Iturgaiz, Feijoo hautatua izan ostean: "PPn oso ondo itxi dugu hemorragia"
Carlos Iturgaiz EAEko PPren presidenteak uste du bere alderdiari loteria tokatu zaiola Alberto Nuñez Feijoo presidente hautatuta: "Oso ondo itxi dugu, oso ondo josi dugu. Oso argi genuen zerbait egin behar genuela, buruzagitza eta zuzendaritza nazionaleko pertsonak aldatu behar genituela".
EAEko popularren buruak azaldu duenez, Feijook ez die autonomia erkidegoei begiratu bere taldea osatzeko momentuan, politikari eta kudeatzaile onenak baizik. "Feijook ibilbide oparoa du kudeatzaile gisa, eta kudeaketan talde handia da", esan du.
Iturgaitzen ustez, bere alderdia "oso indartuta" atera da Sevillako kongresutik, eta bertan "pilak kargatu ditugu".
Euskadiko PPren kongresua alderdiaren beste bederatzi sail autonomikoetan egin behar direnekin batera egingo dela esan du Iturgaizek, horiek ere "falta" baitira. Espainiako PPren zuzendaritza-batzorde berria biltzen eta egutegi bat ezartzen duenean deituko dira. "Eskatu egin dut, beharrezkoa da eta ez da arazorik egongo", esan du Iturgaitzek.
Feijook ez dio Iturgaizi hautagai izateko eskatu, ezta ez izateko ere, baina euskal buruzagia beti egongo da "bere esanetara". "Oso PPkoa naiz, nire DNAn daukat. Onetan eta txarretan egon behar da, gustatzen zaizun horretan eta gustatzen ez zaizun horretan", dio Iturgaitzek. Militante guztiek Euskadiko PPn beren lekua dutela defendatu du.
PP+Cs koalizioren Eusko Legebiltzarreko bozeramailea lehendakariarekin bilduko da arratsaldean, eta berriro luzatu dio eskua. EAJk bere talde parlamentarioak aurrekontuei egindako zuzenketak aintzat hartu ez zituela azaldu du. "Non daude EAJren moderazioa eta elkarrizketa? Neurri horietako batek ere ez du balio? EAJk Bildurekin akordioa nahiago zuen", esan du Iturgaitzek, eta" Sanchezen Gobernuari kaparra bezala lotuta egotea" leporatu dio EAJri.
Buruzagi popularrak Isabel Diaz Ayusok EAEra egingo duen bisitaz ere hitz egin du. bertan enpresariekin bilduko da: "Enpresari askok biltzeko eskatu diote, ezin duzu imajinatu ere egin". Iturgaizen arabera, euskal ostalariek, merkatariek, autonomoek eta enpresariek inbidiaz begiratu zioten Madrilgo Erkidegoari pandemia garaian.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.