Sanchezek eta Feijook BJKN eta Auzitegi Konstituzionala berritzeko negoziazioa berriz abiatzea adostu dute
Alberto Nuñez Feijoo PPko buruzagiak eta Pedro Sanchez Espainiako Gobernuko presidenteak Botere Judizialaren Kontseilu Nagusia eta Auzitegi Konstituzionala berritzeko negoziazioei berriro heltzea adostu dute. Era berean, Konstituzioaren 49. artikuluan pertsona "gutxituei" egiten zaien erreferentzia kendu nahi dute.
Botere Judizialaren Kontseilu Nagusia (BJKN) duela hiru urte berritu behar zuten, baita Auzitegi Konstituzionalaren zati bat ere. Bestalde, Konstituzioko 49. artikuluaren erreforma egin eta atzerrian bizi diren boto-emaileek bozkatzeko orduan traba gutxiago izateko araudia aldatu nahi dute.
PPko presidente berriak ziurtatu duenez, gai horien inguruko elkarrizketak berriro hasiko dira "gaur bertan".
Hori bai, Botere Judizialaren Kontseilu Nagusia berritzeko, Espainiako Gobernuak erakundeko kideak hautatzeko metodoa aldatzea beharrezkoa ikusten du Feijook, hura hobetzeko, bokal "egokienak, independenteak eta errespetatuak" aukeratzeko.
Hala ere, Espainiako gobernuburuarekin Moncloa jauregian batzartu ondoren, PPko presidenteak bileraren emaitza falta deitoratu du: "Gustatuko litzaidakeena baino emankortasun gutxiago izan du. Ezin dut albiste onik eman".
Batzarrak hiru ordu baino gehiagoko iraupena izan du. Bilera "oso adeitsua" izan dela azaldu du Feijook, baina krisi ekonomikoa arintzeko neurririk adostea ez du lortu, Espainiako Exekutiboak dagoeneko onartutako dekretuaz gain.
Batzarra gai-zerrendarik gabe egin izana kritikatu du Feijook. Gutxieneko dokumentazio batek eztabaidatu beharreko gaiak zehazteko eta balizko akordioak bideratzeko lagunduko lukeela uste du.
Alderdi Popularreko presidenteak ziurtatu duenez, Espainiako Gobernuko presidenteak ez du krisiari eta inflazioari aurre egiteko proposamenik onartu.
Gainera, Feijooren hitzetan, Espainiako Gobernuak lege-dekretua "besterik gabe balioesteko asmoa" du, hau da, inolako aldaketarik gabe. Deitoratu duenez, alternatiba bat mahai gainean jarri eta proposamena garatzea ere ez du aproposa ikusi Sanchezek. Hala ere, aukera hori Moncloari igorriko diola iragarri du.
PPko presidentearen hitzetan, Espainiako Gobernuaren politika ekonomikoak diagnostikoan kale egiten du, egungo egoera ez delako gerrarekin hasi, eta baita konponbideetan ere.
Feijook Pablo Casadoren tokia hartu ondoren, bilerak garai berri bati hasiera eman dio. Batzarra puntual hasi da, 11:00etan, Moncloa jauregiaren eskaileretan elkarri bostekoa eman eta argazkilarien aurrean musukorik gabe paratu dira; berriz maskara jarri eta jauregi barruan sartzeko.
Zure interesekoa izan daiteke
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.