Ukrainara armamentu gehiago bidali dutela iragarri du Sanchezek, Kievek orain arte jasotakoaren bikoitza
Pedro Sanchez Espainiako gobernuburuak gaur Kieven iragarri duenez, Ukrainara material beliko gehiago bidali dute. Ysabel, Espainiako Armadako ontzia, Poloniara bidean da jadanik, eta 200 tona material daramatza.
Sanchez Volodimir Zelenski Ukrainako presidentearekin bildu da hiriburuan. Espainiak bidalitako laguntza militar "handiena" dela azpimarratu du buruzagi sozialistak; izan ere, Kievek orain arte jasotakoa bikoiztu dute.
Gainera, ontziak 30 kamioi eta 10 ibilgailu txikiago daramatza, Espainiako Exekutiboko presidenteak azaldu duenez. Bestalde, laguntza humanitarioa areagotzea agindu du, adingabeentzat bereziki, zati bat Unicefek kudeatu dezan.
"Inpunitatearen aurka ere borroka egin behar dugu, batez ere Borodyanka bisitatu ondoren. Nazioarteko Justizia Auzitegiaren laguntza eskaerari erantzun, gerrako krimenen arduradunak ikertu eta epaitzeko", gaineratu du Sanchezek agerraldian.
Horretarako, Barne Ministerioko zortzi erakundetako delinkuentzia adituak Ukrainaren esanetara jarriko ditu Espainiak, besteak beste, auzitegiko 39 mediku, zehaztu duenez.
Zelenskirekin bildu aurretik, Borodyanka hirian bisita egin du Sanchezek, Danimarkako lehen ministroarekin eta Olha Stefanixina Ukrainako Kanpo Arazoetarako ministrordearekin batera.
"Putinen gerrak Borodyankako kaleetan eragindako izua eta basakeria ikusita, hunkituta. Ez dugu ukrainar herria bakarrik utziko", idatzi du Sanchezek Twitterren, hirian bisita egin eta gero.
Sanchezek beste buruzagi batzuek egindako bideari ekin dio. Polonia, Eslovenia eta Txekiar Errepublikako agintariak ere egon dira Ukrainan, eta Roberta Metsola Europako Parlamentuko presidentea, Ursula von der Leyen Europako Batzordeko burua eta Josep Borrel Europako Kanpo Arazoetarako ordezkari nagusia ere joan dira errusiarren inbasioa jasaten ari den herrialdera.
Apirilean, Eduard Heger Eslovakiako lehen ministroak, Karl Nehammer Austriako kantzilerrak eta Boris Johnson Erresuma Batuko gobernuburuak ere egin diote bisita Zelenskiri.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.