Pegasus programarekin zelatatu dituzten jakiteko zerbitzua eskaini die Europako Parlamentuak eurodiputatuei
Europako Parlamentuak zerbitzu berri bat eskainiko die eurodiputatuei, Pegasus espioitza softwareak euren telefono mugikorrak infektatu dituen hautemateko, bi eurodiputatu ustez programa horren biktima izan ostean.
Diputatuei bidalitako mezu elektroniko batean jakinarazi diete euren eskura ipiniko dutela zerbitzu berri hori, Pegasus espiatzeko programak euren mugikorrei eragin dien egiaztatzeko. Programa horrek gailua infekta dezake jabea ohartu gabe, eta, besteak beste, agirietarako, kamera funtzioetarako eta mikrofonorako sarbidea ematen dio erasotzaileari.
Roberta Metsola Europako Parlamentuko presidenteak eta Klaus Welle idazkari nagusiak eskatuta ipini dute martxan zerbitzua. Asteartean bertan, Metsolak adierazi zuen seguru dagoela gobernu espioitzari buruzko arrazoibideak "sakon" aztertuko direla.
Gobernuek soilik eskura dezaketen espaitzeko programa horrek ustez zelatatutako 60 lider independentista baino gehiagoren artean dira ERCko bi eurodiputatu, Diana Riba eta Jordi Solé, eta Carles Puigdemont JxCat taldeko eurodiputatuaren ingurunea.
Europako Parlamentuaren arabera, gailuaren egiaztapena jabearen aurrean egingo da, Bruselako edo Estrasburgoko zerbitzu informatikoen bulegoetan zein eurodiputatuen euren bulegoetan.
Hasierako analisiaren iraupena mugikorreko datu kopuruaren araberakoa izango da, baina gutxienez 30 minutu beharko dira horretarako. Emaitzaren arabera, beharrezko izan daiteke "gehiago luzatuko den segurtasun analisi zehatzago bat".
Gainera, software honekin izaten diren espioitza eskandaluak ikertzeko batzordeak ere lanak abiatu ditu aste honetan. 2021eko udan opositoreak, kazetariak eta aktibistak zelatatzeko erabili izan zela ezagutarazi ostean sortu zuten batzordea.
Zure interesekoa izan daiteke
Grande-Marlaskaren eta Roblesen kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularreko idazkari nagusiak, Gasteiztik, Fernando Grande-Marlaska Espainiako Gobernuko Barne ministroaren eta Margarita Robles Defentsa ministroaren kargugabetzeak eskatu ditu, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.