ERCk erabakitzeke du Ukrainako gerrak eragindako krisiari aurre egiteko neurrien planari babesa eman ala ez
Felix Bolaños Espainiako Presidentetzako ministroak goizean egin gisan, Fernando Grande-Marlaska Barne ministroak Espainiako Gobernuak Kataluniako eta Euskal Herriko 60 independentistari baino gehiagori egindako ustezko espioitza salaketak argitzeko abiatutako ekimenak azaldu ditu gaur, gosari informatibo batean; besteak beste, Kongresuko Sekretu Ofizialen Batzordea eratzea, Inteligentzia Zentro Nazionalaren (CNI) dokumentuak desklasifikatzea eta erakundeari "barne kontrola" irekitzea dira neurri horiek.
Ekimen horiek, haatik, ez dute Generailtatea asebetetzen, ezta konbentzitzen ere, "kosmetikotzat" jo ditu neurriak, ez dira nahikoak. ERCk "dimisioak" eskatu ditu berriro, eta Pedro Sanchezen Gobernuari ohartarazi dio "mugitzen ez bada" ERCk ezingo diola babesa eman Parlamentuan.
Izan ere, hitzordu garrantzitsua dute diputatuek ostegunean. Kongresuak Errusiaren Ukrainako inbasioaren ondoriozko krisiari aurre egiteko premiazko neurriei buruzko errege lege-dekretua baliozkotu beharko baitute, zeinaren bitartez 16.000 milioi euro mobilizatuko baititu Gobernuak, eta, besteak beste, erregai litro bakoitzeko gutxienez 20 zentimoko hobaria edo alokairuaren igoeraren % 2ko muga aurreikusten du. ERCren babesa zalantzan dago, ordea.
Marta Vilalta ERCko idazkari nagusiaren ondokoak eta bozeramaileak prentsaurreko batean adierazi duenez, Espainiako Gobernuak ostegunera bitarte du gai honetan "maila altuagoan" egoteko. "Datozen orduetan ikusiko dugu Estatuko Gobernuaren ekintzen eta gertaeren bilakaera. Horretan oinarrituta erabakiko ditugu Diputatuen Kongresuan eta Senatuan datozen bozketei buruz ditugun jarrerak", azpimarratu du.
Pedro Sanchezen Gobernuak kasua ikertzeaz, azalpen guztiak emateaz eta gertakariak argitzeaz gain, "erantzukizunak garbitu" behar ditu; garbitze hori, ezinbestean, arduradunen dimisioetan gauzatu behar dela uste du.
Vilaltak ziurtzat jotzen du ustezko espioitza horren atzean Estatua egotea eta Gobernua jakinaren gainean egotea. Ohartarazi du kasu hori ezin dela zigorrik gabe geratu, Gobernuak ezin duela sekretu ofizialen Legearen atzean ezkutatu eta ez dela "bermerik gabeko barne-ikerketa batean" argituko.
Vilaltak ohartarazi duenez, 'Catalan Gate' delakoak hainbat proiekturei eman dakieken babesa zalantzan jartzen du, "pertsona askoren eskubideak urratu direlako eta Gobernu zentralarekiko konfiantza hautsi delako".
Aurretik dimisiorik egin gabe ere, elkarrizketa-mahaia berriro bildu daitekeen galdetuta, Vilaltak esan du ez dutela "inoiz negoziazioaren bandera" utziko, eta Gobernuari exijitu dio, elkarrizketaren aldeko apustua benetakoa bada, mahaiak aurrera egin ahal izateko baldintzak sor ditzala.
Bateti babesa eskatzea
Bestalde, Jon Iñarritu EH Bilduko diputatuak, Miram Nogueras JxCATekoak, Ferran Bel PDeCATekoak eta Albert Botran CUPekoak babesa eskatu diote Meritxell Batet Kongresuko presidenteari, eta eskatu diote iker dezala Kongresuko mugikorren bidez egin dieten ustezko espioitza, Behe Ganberaren funtzionamenduari eraso diotela iritzita.
Lau diputatuek, joan den ostegunean erregistratutako idatzi batean, Pegasus operazioaren atzean nor dagoen ikertzeko eta antzeko gertaerak berriro gerta ez daitezen neurriak hartzeko eskatu diote Bateti.
Gutunean gogorarazi dutenez, "Ganberaren bortxaezintasuna (EKren 66.3 artikulua) berme instituzionala da, eta Diputatuen Kongresuaren independentzia ziurtatzeko ezinbesteko baldintza"; gailu mugikorretan sartzea "gure jarduera politikoaren eta gure oinarrizko eskubideen aurkako erasoa" izan dela salatu dute.
"Gorte Nagusietako kide garen heinean, gure parlamentu-prerrogatibek babestutako gure oinarrizko eskubideak urratzeaz gain, lan politikoa askatasunez egiteko bermeak ere urratu dira", azpimarratu dute, bai eta "adierazpen askatasuna eta aniztasun politikoa eta demokrazia" ere.
Nabarmendu dutenez, "talde horiek gainerako indar politikoekin dituzten harreman politikoak kontuan hartuta, zeharka bada ere, espioitza kasu honek Diputatuen Kongresu osoari eta haren funtzionamendu eraginkorrari eraso egin dio".
Zure interesekoa izan daiteke
PSNk "erabateko errespetua" agertu dio Rodriguez Zapateroren errugabetasun presuntzioari
Esther Iso PSNko Antolakuntza idazkariak adierazi duenez, presidente ohiarekiko "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.