Hurrengo gobernuan akordioak lortzeko prest dagoela azaldu du Chivitek
Gaur egun Nafarroako Erkidegoko presidentetzak duen koalizio-formularekin jarraitzeko prest agertu da PSN, "funtzionatzen duen gobernu-formula bat" delakoan.
Hala adierazi du gaur Maria Chivitek, Nafarroako presidente eta PSNko idazkari nagusiak, gaur egindako alderdiaren Eskualde Batzordearen bileraren hasieran. Kongresu arteko organo goren horretan ehun pertsona baino gehiago egon dira.
Urtebete falta da hurrengo hauteskundeetarako, eta, horregatik, PSNk boto-asmoari buruz egindako inkesta baten emaitzak jakinarazi ditu bilera horretan. Hala, lan horren arabera, 13 eserleku izango lituzkete sozialistek (orain 11 dituzte); aldiz, UPNk 14 irabaziko lituzke, eta PPk, berriz, 2 (gaur egun 20 dituzte NA+ koalizioarekin).
Bestalde, inkestaren arabera, Geroa Bai 9 eserleku izatetik 7ra jaitsiko litzateke, EH Bilduk 7tik 8ra egingo luke gora, eta Ahal Duguk I-Erekin 4 lortuko lituzke; gaur egun talde bi horiek hiru eserleku dituzte bananduta.
Horrekin guztiarekin, Chivitek legegintzaldi honetan gidatzen duen gobernuaren lana aldarrikatu du, alderdi guztien babesa lortu duena, NA+rena izan ezik. Hala, ildo horretan, azpimarratu du akordioekin jarraitzeko prest dagoela, bere ustez, herritarrek kudeaketa babestu dutelako.
"Hauteskundeak egiteko urtebetera gaude eta agertokia argi dago", esan du, eta iragarri du Nafarroako hurrengo presidentetzakoak bi aukera baino ez daudela: UPN ala PSN.
Horregatik, berea defendatu du, "zaratatik, ezkortasun faltsutik eta txutxu-mutxuetatik aldentzen den alderdia delako, politika erabilgarria egiteko. Argi dugu herritarrek akordioak nahi dituztela ", adierazi du Chivitek.
"Nire helburua da gobernu aurrerakoi bat gidatzen jarraitzea, akordio, moderazio eta leialtasun instituzionaletik lan egiten duena", adierazi du Chivitek, eta azpimarratu du Nafarroa aurrera egiten ari dela eta "sozialistok arrastoa uzten dugula gobernuan". Ildo horretan, egunez egun "dena ematen" jarraitu behar dela gaineratu du, "proposamenekin eta jarrerarekin" lan eginez. "Jarrai dezagun elkarrizketarako alderdia izaten, hori baita herritarrek eskatzen digutena", amaitu du Santos Cerdan PSOEko antolakuntza idazkariarekin batera zegoela.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.