Otegi: "EH Bildu beste demokrazia eredu batean liderra da, kooperatiboagoa"
Arnaldo Otegi EH Bilduko koordinatzaile nagusiak koalizioaren lehen Konferentzia Munizipalistari hasiera eman dio ostiral honetan. Koalizioa "beste demokrazia eredu batean liderra da", partizipatiboagoa eta kooperatiboagoa, adierazi duenez.
EH Bilduk ehunka zinegotzi eta alkate bilduko ditu ostiral eta larunbat honetan Iruñean, bere aurreneko Konferentzia Munizipalistan. Besteak beste, Irlandako Sinn Fein eta Eskoziako SNP alderdietako kideak bertan izango dira.
"Nola egin aurre gizateriaren historian hain berezia den une historiko berezi honi?" Galdera hori abiapuntuan jarrita, EH Bilduk eraiki nahiko lukeen etorkizuneko herri proiektu berrirako zedarriak bildu ditu, 'Euskal Eredua. Herri Hobe Baten Alde' goiburupean landu duen txostenean.
Irekiera ekitaldian, Otegik esan du EH Bilduren munizipalismoa "nazionala eta aurrerakoia" dela, "eraldaketa sozialerako proiektu integral bati hertsiki lotuta".
"Iraultzak eta eraldaketak Twitterren egiten direla uste dute askok, guk uste dugu egun guztietan egiten direla, erabakiak jendartearekin hartuz" eta "jendearengandik gertuen dauden erakundeetan, udaletan", azpimarratu du.
Otegik ziurtatu duenez, EH Bilduko kideak "liderrak dira une historiko batean, demokrazia liberalaren eta autoritarismo politikoaren arteko norgehiagokan".
Koordinatzaile nagusiaren ahotan, koalizioa "beste demokrazia eredu batean liderra da, demokrazia partizipatiboa eta kooperatiboa, jendearen parte-hartzeari zabalik", eta ezberdin pentsatzen dutenekin "aliantza anitzak eraikiz", "batera bultzatu behar den garaian gaudela" uste dutelako.
EH Bilduren munizipalismoa "proiektu integrala da, berdinen euskal errepublikaren bila, herriaren lurralde antolaketa, burujabetza eta alternatiba aurrerakoien eraikitzeko", azaldu duenez.
"Inork ez digu irribarrea kenduko, inork ez gaituelako geldituko, herri honek erronkei aurre egiten jakin duelako inguruabar zailagoetan, eta gauza bera egingo du etorkizunean", nabarmendu du.
Baluarte jauregian egindako irekiera ekitaldia baino lehen, Otegi konferentziara gonbidatutako nazioarteko ordezkaritzekin bildu da, Iruñeko hotel batean.
Besteak beste, Eoin O Broin Sinn Feineko parlamentaria, Ruairi Kelly (SNP) Glasgowko Udaleko zinegotzia, Jabiera Manzi Txileko mugimendu konstituziogileko ordezkaria eta Jesper Kiel Kopenhageko aliantza gorri-berdearen arduradunak gonbita jaso dute.
Era berean, David Payot Lausanneko alkateordea, Sandra Castro (ERC) Lleidako alkateordea, Francisco Garcia (BNG) Allarizeko alkate ohia eta Selmi Holopainen Turkeko (Finlandia) Udalaren zinegotzia biltzarrean izango dira.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.