Mendoza: "Argi dago Gipuzkoa lurralde abertzalea dela eta bi alderdien lehia errepikatuko dela"
Eider Mendoza Gipuzkoako Foru Aldundiko bozeramaileak berretsi egin du Gipuzkoa alderdi abertzalea dela eta EAJren eta EH Bilduren artean lehia bizia dagoela datorren udal eta foru hauteskundeei begira. "Gipuzkoan beti izan gara hurbil bi alderdiak", gogorarazi du.
2023ko foru hauteskundeetan egiteko urtebe falta den honetan, EiTB Focus inkestak zabaldu duenez lehia estua eman liteke EAJ eta EH Bilduren artean Gipuzkoan; izan ere, bien artean botoen % 2,5eko aldea egongo litzateke hauteskundeak gaur egingo balira. Horren aurrean, ETB1eko "Egun On Euskadi" saioan Mendozak esan du "ohikoa" dela Gipuzkoan bi alderdi abertzaleen arteko lehia hori.
Zehazki 0,4ko hobekuntza izango luke EAJk Gipuzkoan, eta bi puntukoa EH Bilduk. Gauzak horrela, aitortu du kezka egon badagoela, eta horregatik urtebete honetan arraun egin eta aldea handitzen saiatuko direla. Hala ere, esan du agintean egoteak desgaste bat sortzen badu ere, emaitzek erakusten dutela "egin dugun kudeaketa ulertu eta babestu egiten dela".
Orain, baina, ez dela kanpaina egiteko unea azpimarratu du, beste egin behar batzuk baitaude aurretik. "Gauza asko dauzkagu egiteko: pandemia, krisia...".
Markel Olanok diputatu nagusi kargua utziko duela iragarri ondotik, Mendozak azaldu du horretarako prozesua irailean hasiko dutela eta ordutik aurrera erabakiko duela alderdiak hautagaiak nortzuk izango diren. Dena dela, argi utzi du Olanok langa "oso altu" utzi duela atzetik datorrenarentzat.
Gobernatzeko aliantzen inguruan galdetuta, Gipuzkoako Foru Aldundiko bozeramaileak argitu du lehentasuna erakundeetan egonkortasuna edukitzea izango dela, eta, horretarako, herritarren erabakiari begiratu behar zaiola.
Estatus berria ere izan du hizketagai: Horren arabera, baliteke kanpainako gaia izatea, baina gogorarazi du horri buruz denbora luzez ari direla hitz egiten: "Oinarria jarrita dugu eta borondatea badago, momentu politikoa aukeratu behar da orain", azaldu du.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.