"Tratu umiliagarriak" ikertzeko orduan Ertzaintzaren "gabeziak" salatu ditu Arartekoak
"Aspalditik", "tratu umiliagarriak" ikertzeko orduan, Ertzaintzak dituen "gabeziak" salatu ditu Manu Lezertua Arartekoak. Ertzain etxeen barruan egindako grabazioak eskuratzeko arazoak aipatu eta, denbora bat igarota, haiek "ezabatzen" dituztela esan du.
Lezertuak agerraldia egin du Eusko Legebiltzarreko Giza Eskubide, Berdintasun eta Justizia Batzordean. 2021eko txostena aurkeztu du Arartekoak. Josu Erkoreka Segurtasun sailburuarekin biltzeko aukera aztertzen ari dela aurreratu du, arazoak "konpontzeko nolako jarrera duen" egiaztatzeko.
Urtean zehar, "noizean behin", erakundeak kexak jaso dituela dio txostenak; "polizien ekintzaren batean, kalean jarritako bideokameren grabazioak eskuratzeko arazoak azaltzen dituzte pertsonak, defentsa juridikoa aurrera eramateko helburuarekin, ertzainekin desadostasunak dituztenean", hain zuzen ere.
Nahiz eta txostena iragan martxoan jakitera eman, Arartekoak sakondu behar izan du asteazken honetan, Legebiltzarreko taldeen galderei erantzuteko.
Zentzu horretan, Ertzaintzak, gainerako poliziek bezalaxe, "bere burua ikertzeko zailtasunak" ditu, ziurtatu duenez.
Pertsona batek ertzain baten eskutik "tratu umiliagarri edo irainak" salatzen dituenean, "sakonago" ikertzeko beharra nabarmendu du Lezertuak.
"Kasu bereziki larriak" daudela salatu du Arartekoak, horietan "sexu-erasoa edo tratu txarrak salatu nahi dituen pertsonak jasotako arreta defizitarioa izan da".
Lezertuaren hitzetan, kasu horiek "zergatik" gertatzen diren jakitea beharrezkoa da; horretarako, protokoloak daudelako, beste egoera batzuetan "eskainitako arreta oso ona" izan dela jakinda.
Arartekoak kasu horiek "ikertzea" eta "beharrezkoa denean zigortzea" eskatu du.
Gainera, 2011an berme sistemaren inguruan aholku sorta eman zuela gogorarazi du. Agiriko praktikak martxan jartzeko "denbora asko" behar izaten ari direla deitoratu du.
"Gauza batzuk lortu dira, baina arazoak daude", adierazi du. Zentzu horretan, komisaria barruko grabazioak eskuratzeko arazoak bildu ditu 2021eko memorian.
Azken urteetan, "behin baino gehiagotan", beste arazo baten inguruan ohartarazi du Arartekoak, Lezertuak erantsi duenez. Grabazio horiek zenbat denboraz gordetzen diren galdetu du. Bideoak grabatzen dira, baina grabazio zehatz bat eskatzen denean, "dagoeneko ezabaturik" egotea gertatu izan dela kritikatu du.
Egoeraren aurrean, Legebiltzarrean agerraldi berezi bat egitea planteatu du Arartekoak, gaiaren inguruan informatzeko edo gomendio orokor bat emateko.
Era berean, lehenengo pausoa Segurtasun sailburuari bilera bat eskatzea izan daitekeela ean du, "denbora luzez ikusi ditugun hutsuneak zuzentzeko orduan haren jarrera zein den egiaztatzeko".
Zure interesekoa izan daiteke
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.
Global Sumudeko kideen aurka Ertzaintzak izandako jokabidea salatu dute hainbat lagunek Legebiltzarraren atarian
Eusko Legebiltzarrean eguerdian Bingen Zupiria Segurtasun sailburuak Loiuko aireportuan ertzaintzak Global Sumudeko kideen aurka kargatu izanari buruzko azalpenak emango ditu. Hori baino lehen, goizeko 09:00etan hasita, Ertzaintzaren jokabidea gogor salatu Legebiltzar atarian 50 lagun inguruk. Ertzainez inguratuta ari dira egiten protesa Gasteizen; oso haserre daudela esan dute eta ertzaintza egin dute gertatu zen guztiaren errudun.
Gurutzetako batzokian Ertzaintzaren aurkako pintadak egin dituztela salatu du Bizkaiko EAJk
EAJk Gurutzeta auzoan, Barakaldon, duen egoitzan, pintadak agertu dira fatxadan, mezu iraingarriekin. Alderdiak gertatutakoa gaitzetsi du, eta egin dituztenak zein "beste aldera begiratzen dutenak" kritikatu ditu.