2001etik argitu gabe zegoen bi ertzainen hilketa Mikel Karrera ETAko buruzagi ohiari egotzi die Ertzaintzak
ETAk duela 21 urte egindako eta orain arte argitu gabe zeuden bi hilketaren egile materiala identifikatu ahal izan du Ertzaintzak hilabete honetan, aurrerapen zientifikoei esker, EITB Mediak jakin izan duenez. Hain zuzen ere, Francisco Javier Mijangos eta Ana Isabel Arostegi ertzainak Mikel Karrera ETAko buruzagi ohiak hil zituela ondorioztatu ahal izan dute ikerlariek orain.
Polizia autonomikoak dagoeneko helarazi dio informazioa Auzitegi Nazionalaren 6. Instrukzio Epaitegiari. Dena dela, ikerketa abian da oraindik, uste baitute atentatu horretan pertsona gehiagok hartu zutela parte.
Francisco Javier Mijangos eta Ana Isabel Arostegi ertzainak 2001eko azaroaren 23an hil zituen ETAk, bizkarrean tiro eginez, Beasaingo Senpere kalean zirkulazioa bideratzen ari zirenean.
Atentatua gertatu eta bi egunera, Ertzaintzak topatu egin zuen ETAk atentatuan erabili zuen autoa, eta indargabetu egin zuen ibilgailua eztandarazteko jarri zuten lehergailua. Horrela, hainbat froga eta lagin genetiko atzeman ahal izan zituzten.
Orain, auzitegi-genetikaren alorrean egindako aurrerapenei esker, ikerlariek ondorioztatu ahal izan dute atentatuaren egile materiala Mikel Kabikoitz Karrera Sarobe ETAko buru ohia dela. Horren ildotik, Ertzaintzak 21 urtez gorde duen ADN lagin baten kointzidentzia batek positibo eman duelako egin ahal izan dute.
Egun, Karrera Sarobe biziarteko espetxe zigorra betetzen ari da Frantzian, 2007an Capbretonen bi guardia zibil eta 2010ean Jean-Serge Nerin jendarmea hiltzeagatik.
1982an Ertzaintza sortu zenetik, ETAk 15 agente hil ditu.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.