Marlaska: 'Gobernua Frantziak ezarritako barne kontrolen aurka dago, eta Bidasoa ibaia zaintzen jarraitzen du'
Fernando Grande-Marlaska Espainiako Gobernuko Barne ministroak esan du Espainiako Gobernua ez dagoela ados migratzaileen mugimenduak saihesteko Frantziak bere mugei dagokienez ezarri dituen barne-kontrolekin. Zentzu horretan, gogorarazi du Guardia Zibilak itsasoko eta aireko agenteekin lanean diharduela, Bidasoa ibaian tragediak ekiditeko asmoz.
Melillan gertatutakoari buruz, bestalde, esan du "eraso bortitza" izan zela, eta antolatutako ekintza bat eta bitarteko "arriskutsuak" zituzten 2.500 migratzaile izan zirela protagonista.
Asteazken honetako osoko bilkuran, Melillari eta Bidasoa ibaiaren mugari buruz galdetu diote Barne ministroari. Hala, Iñigo Barandiaran EAJko diputatuak gogorarazi dio otsailaren 2an mozio bat onartu zela arazo hori konpontzeko asmoz, baina Gobernuak ez duela neurririk hartu; are gehiago, nabarmendu du orduz geroztik beste pertsona bat gehiago hil dela itota.
Marlaskak baina, esan du Gobernua Frantziako barne-kontrolen aurka agertu dela beti, eta ibaia zaintzen jarraitzen dutela. "EBko mugak eraginkortasunez babestearen aldekoak gara, baina baita joan-etorrien eta zirkulazio askearen aldekoak ere", gaineratu du.
Halaber, esan du Sanchez presidenteak ez duela sekula oinarrizko eskubideen urraketarik justifikatu eta Gobernuaren kezka nagusietako bat migratzaileen bizitza babestea dela.
Bestalde, Jon Iñarritu EH Bilduko diputatuak joan den ostiralean Melillan gertatutakoaren aurrean zer nolako ikuspuntua duen poliziaren jokabideari dagokionez galdetuta (hesia zeharkatzen saiatu ziren 23 migratzaile hil ziren), Marlaskak nazioarteko mafiak egin ditu horren erantzule, eta zehaztu du "indarrek legea betetzen dutela" eta egunero azterketak egiten dituztela poliziak egiten dituen jarduerak kontrolatzeko.
Hala, adierazi du Melillako hesian gertatutakoa "eraso bortitza" izan zela, eta bitarteko "arriskutsuak" zituzten antolatutako 2.500 migratzaile izan zituela protagonista.
Sanchezek uztaileko Estatuaren eztabaidan emango ditu Melillari buruzko argibideak
Pedro Sanchez Espainiako Gobernuko presidenteak, bere aldetik, Ser irrati katean gaur goizean egin dioten elkarrizketan esan du Melillako hesiari egindako erasoaren berri nazioaren egoerari buruzko eztabaidan emango duela. Bertan, gaiaren inguruko eztabaida sortu dela uste du, baina ez du egingo berariazko agerraldi batean, PP alde batetik eta Exekutiboko kide parlamentarioak bestetik eskatzen ari diren bezala.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.