Patxi Lopez PSOEren Kongresuko bozeramaile izendatuko dute
Patxi Lopez lehendakaria izango da PSOEren Kongresuko bozeramaile berria, Hector Gomezen lekukoa hartuta. Lopezek berak baieztatu du berria Twitter bidez zabaldutako mezuan.
Alderdi Sozialistak uztailaren 23an, larunbata, egingo duen Batzorde Federalean egingo da ofizial Lopezen izendapena, eta egun horretan baieztatuko dira, halaber, PSOEren egituran egingo dituzten gainerako aldaketak.
Kongresuaren bozeramailetza hartzea "ohorea eta erronka zoragarria" izango dela esan du Portugaleteko politikariak, eta eskerrak eman dizkio Pedro Sanchez Espainiako presidenteari erakutsitako "konfiantzagatik". "Herri honetako langilegoa eta erdiko-klasea babesteko" lan egingo duela hitz eman du, elkarrizketa erdigunean jarrita.
Joan den astelehenean, ezustean, Adriana Lastrak, arrazoi pertsonalak argudiatuta, PSOEko idazkariorde nagusi kargua utzi izanak alderdiaren berrantolaketa eragin du. Berehala hasi zen izen-dantza, eta zenbait baieztapen gaur iritsi dira.
Maria Jesus Montero egungo Ogasun eta Funtzio Publikoko ministroak hartuko du Lastraren tokia, eta bera izango da PSOEren idazkariorde berria.
Horrez gain, Pilar Alegria Hezkuntza ministroa PSOEren eledun berria izango dela ezagutu da, Felipe Siciliaren ordez. Zaragozarrak ere, bere esker ona agertu dio Sanchez presidenteari.
Bestalde, eta azken egunotan kontrakoa zabaldu den arren, Santos Cerdan nafarrak PSOEren Antolakuntza idazkari izaten jarraituko du. Lastraren dimisioaren ondotik, Cerdanen postua kolokan ikusi zuten alderdikide askok, horien bien arteko barne-eztabaidak zirela eta.
Agertoki berri hau aprobetxatu du Sanchezek alderdiaren egitura berrantolatu eta Kongresuko eta Senatuko ordezkariak berritzeko. Datorren larunbatean, uztailaren 23an, egingo den ezohiko Batzorde Federalean zehaztuko da PSOEren mapa berria.
Zure interesekoa izan daiteke
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta, askotan, pertsonalak"
Aitor Esteban EAJren EBBko presidenteak, ETB2ko En Jake saioan erantzun dio de Andres popularrari, esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da hori kontua. Dinamika oso ezberdinak dira Iparraldean, eta askotan pertsonalak dira", ohartarazi du. Eta adierazi duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.
"Ezker erradikalari lekukoa ematea" egotzi dio Euskadiko PPk EAJri, eta horren adibide jarri du jeltzaleek Iriarti Iparraldean emandako babesa
Gasteizen egin duen prentsaurreko batean, Javier de Andres EAEko PPren presidenteak salatu du "ulertezina" dela EAJ "zentralitatean egotea eta haren botoak beti Bildun amaitzea", Alain Iriart (EH Bai) Euskal Hirigune Elkargoaren buru izateko EAJk emandako babesari aipamena eginda.