Donostiako alkategaia aukeratzeko primarioak abiatuko ditu PSE-EEk gaur
2023ko udal hauteskundeei begira, Donostiako alkategaia hautatzeko hauteskunde primarioak abiatuko ditu PSEk gaur, astelehenarekin. Atzera-kontaketa irailaren 19an hasiko da, hautagaitzen aurkezpenekin, eta datorren urriaren 16an bukatu, primarioen bigarren itzuliaren egunean. Donostiako hiru elkarte sozialistetako 600 bat kidek orain arte aurkeztu diren bi hautagaien artean aukeratu beharko dute: Odon Elorza Donostiako alkate ohia eta Marisol Garmendia Donostiako Udaleko egungo bozeramaile sozialista.
Odon Elorza
Donostiako elkarteetako idazkari nagusiei eta militanteei bidalitako gutun batez bidez jakinarazi die Elorzak alkategai izan nahi duela. "Kezkagarria iruditzen zait Donostia batzuen autokonplazentziaren eta dauden arazoen aurrean dagoen zalantzaren artean mugitzea. Funtsezko gaien definizio ezak lidergo falta ezkutatzen du. Eta uste dut ilusioa itzuli behar zaiela Donostiako herritarrei, Udalari bultzada berri bat emango dion proiektu baten bidez, hiriak gainditu gabeko erronkei aurre egin diezaien", azpimarratu du Donostiako alkate ohi eta Espainiako Kongresuko egungo diputatu sozialistak.
Marisol Garmendia
Marisol Garmendia Donostiako Udaleko PSE-EEko bozeramaile eta alkateordeak ere alkatetzarako hautagaitza aurkeztuko duela baieztatu du aste honetan, eta PSE-EEk Donostian duen "lidergoa berritzeko garaia" dela adierazi du.
"Uste dut garaia dela emakume bat, gogoz, ilusioz, anbizioz eta herritarrenganako hurbiltasunez, Donostiako sozialisten buru izateko eta hiriko lehen emakume alkatea izateko. Hori da nire helburua eta horren alde borrokatuko naiz", adierazi du. "Nik ez dut vintage-politikarik egiten, bakoitzak bere lekua eta bere garaia du, eta orain niri dagokit", azpimarratu du.
Primarioen egutegia
-Irailaren 19tik 20ra: hautagaitzak aurkeztea
-Irailaren 21etik 27ra: hautagaien bermeak jasotzea eta aurkeztea (gutxienez 57 beharko dituzte)
-Irailaren 29tik urriaren 8ra: informazio kanpainak abiatzea
-Urriaren 9an: primarioen lehenengo itzulia
-Urriaren 16an: primarioen bigarren itzulia
Gainerako alderdiak
Beste alderdi politikoetan ere datorren udaberrirako udal eta foru hauteskundeen inguruko mugimenduak hasi dira.
EH Bilduren kasuan, Donostiako Alkatetzarako Juan Karlos Izagirre proposatu die EH Bilduk koalizioko kideei. 2011 eta 2015 urteen artean Donostiako alkate bihurtu zen Izagirre, Odon Elorza sozialista ordezkatuta. EAJn, berriz, baieztapen ofizialik egon ez bada ere, litekeena da Eneko Goia egungo Donostiako alkatea izatea berriro 2023ko hauteskundeetarako alkategai.
Zure interesekoa izan daiteke
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.
Nafarroako Parlamentuak urtebeteko luzamendua onartuta, itunpeko sareko 14 ikasgelak ez dira itxiko datorren ikasturtean
UPNk bultzatutako ekimenak erregionalisten, PPren eta Voxen aldeko botoak jaso ditu. EH Bildu eta Geroa Bai abstenitu egin dira, eta PSNk eta Contigo Zurekin alderdiek kontra bozkatu dute.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Euskal Gardentasun Legeak aurrera egin du, oposizioaren babesik gabe
Gardentasunaren Euskal Lege berriak informazio publikorako sarbidea, herritarren parte-hartzea eta lobbyen jarduera arautuko ditu. Araua EAJren eta PSEren babesarekin atera da aurrera, eta oposizio osoak baztertu du, uste baitute ez dela nahikoa eta anbiziorik gabekoa dela.
PSNk eta Geroa Baik behin betiko hautsi dituzte hezkuntza itunen inguruko negoziazioak
PSNren, Geroa Bairen eta EH Bilduren arteko elkarrizketak hautsi egin dira Nafarroako Parlamentuan, eta ez dago akordiorik itunpeko sareko 14 unitate ixtea saihesteko. Zuzenketen bozketak erabakiko du orain UPNk hezkuntza itunen inguruan bultzatutako lege proposamenak aurrera egiten duen ala ez.
Albiste izango dira: Itunpeko ikasgelen itxierari buruzko osoko bilkura, Xi Jinping eta Donald Trumpen arteko bilera eta Orioko balea harrapatu zutela 125 urte
Gaurkoan Orain-en albiste izango direnen laburpena, bi hitzetan.