PPk bertan behera utzi du Botere Judizialaren Kontseilu Nagusia berritzeko negoziazioa
Alderdi Popularrak bertan behera utzi du Espainiako Botere Judizialaren Kontseilu Nagusia berritzeko negoziazioa, Pedro Sanchezen Gobernuak sedizio delituaren erreformarekin aurrera jarraitzeko asmoa duela argudiatuta.
PPk salatu du sozialistek jokabidea aldatu dutela, eta ez dutela bete negoziazioan helarazitakoa. Feijook hitz egiteko borondateari eusten omen dio "Zigor Kodea erreformatzeko matxinada eta sedizio delituen arloan, eta legez kanpoko erreferenduma deitzea delitu izendatzeko orduan".
PPk bertan behera utzi ditu elkarrizketak PSOEk erabakitzen duen arte "erakundeen arloan" PPrekin —"alderdi konstituzionalista batekin"— "aurrera egin nahi duen" ala "Zuzenbidezko Estatua ahuldu eta batasun konstituzionala apurtu nahi duten alderdien eskutik helduta" segitu nahi duen.
Akordiorako nahia "irmoa" dela berretsi du PPk, baina "ziur" dio ez dutela negoziatzen jarraituko "Sanchezek Estatuaren botereak horri aurka egin nahi diotenen mesedetan ez dituela erabiliko bermatzen ez duen bitartean".
Alderdi Popularrak jakinarazi duenez, Feijook eta Sanchezek ostegun arratsaldean hitz egin zuten telefonoz, Sanchezek ituna "prest" zegoela esan, eta PPk gezurtatu eta gutxira.
PPk haustura aipatzen ez duen arren, eta Sanchezekin hitz egiteko prest dagoela berretsi badu ere, negoziazioak porrot egin du berriro, eta bi aldeek esana zuten "azkeneko aukera" zela.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.