Konstituzionalaren eta Zigor Kodearen erreformak onartu ditu Kongresuak, saio gatazkatsu batean
Kongresuak onartu egin du Espainiako Gobernuak bultzatutako erreforma ostegunean, Bilkura gatazkatsu baten ostean eta kolpismo salaketen artean. Hala, Ganberak adostu du sedizio delitua indargabetu eta desordena publiko larriagotuko delitu bilakatzea, bidegabeko erabiltzearen zigorrak murriztea eta Auzitegi Konstituzionala aldatzea. Hain zuzen, Konstituzionalari begira izan dira diputatuak; azkenean, astelehenean erabakiko du lege horretako zati bat geldiarazten duen, PPk hala eskatuta.
PPk eta Ciudadanosek ez dute botorik eman, protesta moduan. Espainiako Gobernuan koalizioan dauden bi alderdiek, alegia, PSOEk eta Unidas Podemosek, aldeko botoa eman dute, bai eta alderdi horien parlamentu aliatuek ere; guztira, aldeko 184 boto izan dira. Kontrako 64 boto eta abstentzio bat ere izan dira. Orain, Senatura doa lege proposamena; azken orduan, PSOEk eta Unidas Podemosek erreforma sartu dute, Auzitegi Konstituzionaleko lau magistraturen berritzea desblokeatzeko, berritze hori egin gabe baitago. Voxek kontrako botoa eman du.
Espainiako Gobernuaren helburua da legea urtea amaitu aurretik sartzea indarrean. "Proces"eko liderrak sedizioagatik eta bidegabeko erabiltzeagatik zigortu zituzten, eta orain, aldiz, aldatu egin dituzte. Carles Puigdemont Kataluniako presidente ohia oraindik epaitu behar dute, delitu horiengatik. Aurreikuspena da Senatuan hilaren 22an egite bozketa.
PPk Konstituzionalaren aurrean aurkeztutako helegiteak ezkerra batu du; izan ere, ezkerreko alderdiek egotzi diote PPri auzitegietara joaten dela, hauteskundeetan galtzen duenean. Helegitearen asmoa zen Botere Judizialeko legeen eta Konstituzionalaren erreforma geldiaraztea; PPren argudioa zen Espainiako Gobernuak hasiera batean sedizioa indargabetzeko baliatu nahi zuen proposamenaren bidez egin nahi zuela erreforma hori.
"Demokrazia trikornioak erabiliz geldiarazten saiatu zineten, eta gaur togak baliatuz egiten saiatu zarete", esan die Felipe Sicilia bozeramaile sozialistak. "Orain, ez dituzue pistolak aldean, togak baizik", azpimarratu du ERCko Gabriel Rufianek. EH Bilduko Jon Iñarrituren iritziz, "gaur izan da gertaerarik larriena, demokraziari dagokionez, 1981eko otsailaren 23tik".
PPren, Voxen eta Ciudadanosen hitzaldi oso gogorrak
PPk, Voxek eta Ciudadanosek hitzaldi oso gogorrak egin dituzte. Salatu egin dute erreformaren tramitazio espresa; hiru lege organikori eragiten die, eta "agintari independentisten neurrira" egin dute, esan dutenez. Pedro Sanchez "koldartzat" jo dute, Bilkuran ez baita egon.
"Jarraitu helegiteak aurkezten; guk legeak aurkezten jarraituko dugu, jendearen bizitza hobetzeko eta Espainiak Bruselan dituen interesen alde egiteko. Bertan dago Gobernuko presidentea", erantzun du Siciliak. Azken horrek, bereziki, PPren aurka egin du, abiatutako neurriak ia aipatu gabe.
PPko Cuca Gamarrak, Konstituzioa eta PSOEren hauteskunde programa aldean, erreformak onura ekartzen dien kataluniar politikoen izenak berrikusi ditu, eta ohartarazi dio Espainiako Gobernuari: "Hau independentisten bide orrian, beste geltoki bat da, hori baino ez. Txaloka ari dira".
Voxeko diputatuek ez dute Bilkuran parte hartu, baina Javier Ortega Smithek hitzaldia eman du, eta salatu du "Estatu kolpea izan dela, erakundeetako barnetik: "Kolpista guztientzako ezkutuko amnistia" eta muturreko ezkerraren aldetik Konstituzionalaren eta botere judizialaren aurkako "indarkeria eta mehatxuko klima onartezina" gaitzetsi ditu.
EAJko bozeramaile Mikel Legarda, ordea, alde azaldu da. Esan duenez, ekimenak indartu egiten du Katalunian jarraitu zuten Estatu politika, "eta PPk Botere Judizialaren Kontseilu Nagusiari egindako blokeoa" gainditu egiten du: "Elkarbizitzak, batzuetan, neurri ezohikoak eskatzen ditu, eta erakundeetako blokeoek ere bai".
Juntsek eta EH Bilduk, proposamena ez nahikotzat jo badute ere, aldeko botoa eman dute. PDeCATek, berriz, kontrako botoa eman du, "2017ko urriaren 1ean deliturik ez baitzen egon, eta Kataluniako lider independentisten aurka egiten jarraituko dutelako".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.