"Orokorkeriak" eta "zehaztasun gutxi" Urkullu lehendakariaren urte amaierako mezuan, oposizioaren arabera
Euskal alderdi politikoek berehala erantzun diote Iñigo Urkullu Eusko Jaurlaritzaren lehendakariak urte amaierako mezuan esandakoari, eta Osakidetza izan da hizpide nagusietako bat.
Joseba Egibar EAJk Eusko Legebiltzarrean duen bozeramailearen hitzetan, "egungo ziurgabetasunean, mezu patxadatsu eta etorkizunarekiko konprometitua" bidali du Iñigo Urkullu lehendakariak. Komunikabideen aurrean Donostian egindako agerraldian Egibarrek azpimarratu duenez, Euskadik "oinarri oso sendoak" ditu etorkizuneko erronkei aurre egiteko.
Bestalde, Nerea Kortajarena EH Bilduko legebiltzarkidearen ustetan, "ekintza politikorekin bat ez datozen asmo eta hitz onak" ekarri ditu lehendakariaren mezuak. "Eta hori oso argia izan da gazteen emantzipaziorako arazoak edo Osakidetzako egoera aipatu dituenean", gaineratu du. Kortajarenaren esanetan, iaz ere euskal osasun sistemaren inguruko antzeko mezuak zabaldu zituen lehendakariak.
Ekain Rico PSE-EEren Politika Publikoen idazkariak esan du politika sozialistek "fruituak" eman dituztela, baina aitortu du 2023ko erronketako bat "pandemiaren ostean osasun sistemaren kalitatea berreskuratzea" izango dela.
"2022a gustura itxi dugu politika sozialistak fruituak ematen ari direlako. Euskadin ere bai, zerbitzu publikoen defentsan eta gehien behar dutenak babesten", adierazi du PSE-EEren ordezkariak, EAJren gobernukide denak.
Miren Gorrotxategi Elkarrekin Podemos-IUk Eusko Legebiltzarrean duen bozeramaileak defendatu duenez, "hobetzeko tarte handia dago Euskadi hobea eta batuago lortzeko". Gainera, lehendakariak garatutako "eredu politikoa" kritikatu du, eta "gehiengoaren interesak lehenestearen" alde egin du.
Gorrotxategiren esanetan, Euskadiko hezkuntza-sistema "Estatuko bereizgarriena" da, "ez une zehatz batean hartutako erabaki txarrengatik, itunpeko ikastetxe pribatuak babesteko apustu garbia dagoelako baizik".
Iñigo Martinez Ezker Anitza-IUren Antolakuntza idazkariak, bestalde, azpimarratu du asmo onetatik harago, Eusko Jaurlaritzak norabidea aldatu beharko lukeela horiek betetzeko, "ez baita hobetzeko tartea egotea, baizik eta kudeaketa eredua aldatzea publikoa lehenengo lerroan jartzeko", Osakidetzari erreferentzia eginez, besteak beste.
Carlos Iturgaiz EAEko PPko presidenteak adierazi duenez, Urkulluren mezuan "autokonplazentzia asko eta autokritika gutxi izan dira, ez baitu aipatu Eusko Jaurlaritza eta EAJ bera egiten ari diren kudeaketa negargarria".
Zure interesekoa izan daiteke
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.