Jaurlaritzak ziurtatu du ez zeukala Aranako zentroaren gaineko xehetasunik
Beatriz Artolazabal Berdintasun, Justizia eta Gizarte Politiketako sailburuak ziurtatu du Eusko Jaurlaritzak ez zeukala Gasteizen egin asmo duten errefuxiatuentzako zentroaren gaineko "xehetasunik".
Zentro horren harira piztutako ika-mika mintzagai, aitortu du "modu informalean" jaso zutela informazioa. Haren hitzetan, bilera batean mahaigaineratu zuten EAEk errefuxiatuentzako leku gehiago behar zuela, eta "horrekin bat zetorren Jaurlaritza".
Espainiako Gobernuarekin eta PSE-EErekin polemikarik nahi ez duela ere onartu du, ez delako "gai samurra". Hartara, gutun baten bidez jakinarazi diote Jose Luis Escriva Espainiako Gobernuko Inklusio, Gizarte Segurantza eta Migrazio ministroari Jaurlaritzak faltan izan duela proiektu horri buruzko iritzia ematea.
Halaber, esan du beti erakutsi izan dutela gai horrekin lotuta beste administrazio batzuek gauzatutako egitasmoetan parte hartzeko borondatea. Horrekin lotuta, baina, migrazioekin lotutako transferentziaren eskualdaketa eskatu dio berriro, kanpotik iritsitako pertsona guztien arreta hobetze aldera.
Artolazabalek azaldu du ministroaren azalpenen zain daudela orain, Aranako zentroaren aferan "nola edo hala laguntzerik" duten ikusteko. Dena den, argi utzi du gaur egun esku artean darabilten proiektua ez datorrela bat EAEko harrera ereduarekin, "baliabide txikiagoetan eta harrera pertsonalagoan oinarrituta" dagoelako.
Jaurlaritzak duela lau urte eraikin hori etorkinen iritsierari aurre egiteko erabiltzea proposatu zuela dioten informazioei buruz, argitu du EAEn Espainiako Gobernuak duen Ordezkaritza -Jesus Lozak zuzendua- izan zela eraikina horretarako eskaini zuena.
Eusko Jaurlaritzak, adierazi du Artolazabalek, atzera bota zuen eskaintza hori zentroaren tamainagatik, eraikina horretarako prestatuta ez zegoelako eta "une hartan muga gainditu asmoz Irunera heltzen ziren migratzaleak zirelako arretagune".
Bestalde, Espainiako Gobernuak Euskal Autonomia Erkidegoan duen ordezkari Denis Itxasok eskatu du zentroa "hauteskunde munizio gisa" ez erabiltzea, ez eta "eskumenen transferentzia prozesuarekin nahastea" ere.
Era berean, "diskurtso elektoralista horrek erakusten du EAJk esku artean dituen inkestek ez dutela haientzako emaitza onik aurreikusten", adierazi du PSE-EEren idazkari nagusi Eneko Anduezak.
Eusko Legebiltzarreko oposizioko talde guztiek, aldiz, makrozentroa errefusatu dute.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.