EH Bildu, Elkarrekin Podemos-IU eta PP+Csek errefusatu egin dute Aranako makrozentroa
Errefuxiatuei arreta eta laguntza emateko "makrozentroetan" oinarritutako ereduaren aurka dagoela azaldu du EH Bilduk, eta lehen harrerako baliabideak "deszentralizatuak eta hurbilekoak" izatea eskatu du, "arreta eta gizarteratze prozesuak errazteko".
Koalizioaren Gasteizko Udaleko zinegotzi Rocio Viterok Espainiako Gobernuak errefuxiatuei harrera egiteko zentro bat Arana klinika zaharrean kokatzeko hartutako erabakia hizpide izan du. Eraikin hori Estatuarena da, baina hamarkada bat darama erabili gabe.
Viterok aitortu du "harrituta" dagoela proiektu honen lizitazioarekin, eta deigarritzat jo du "PSEk, proiektuaren sustatzaileak, eta EAJk, jendaurreko azalpenik eman ez izana, Estatuko Gobernuaren asmoen berri duela hilabete batzuetatik izan duelako".
Elkarrekin Podemos-IU ere makrozentroaren proiektuaren aurka agertu da. Euskadi Irratiko Faktoria saioan egindako elkarrizketan, Miren Gorrotxategi koalizio moreko bozeramailea zentro horren aurka agertu da.
Haren ustez, makrozentro horiek ez dute balio errefuxiatuei harrera egokia egiteko, eta uste du ez dela horiek hartzeko prozedura edo modua. Gainera, Gorrotxategik "PSEren eta EAJren arteko ika-mika" kritikatu du. "Uste dugu hau lehen mailako gai humanitarioa dela eta politikakeria ez egiteko eta akusazioak gurutzatzeko adinako garrantzia duela", defendatu du.
Azkenik, PP+Cs alderdiak legez besteko proposamen bat aurkeztu du Eusko Legebiltzarrean, Ganberak Espainiako Gobernuari proiektua "berehala" geldiaraztea eskatzeko.
Gainera, eskuineko koalizioak Beatriz Artolazabal Berdintasun, Justizia eta Gizarte Politiketako sailburuaren premiazko agerraldia eskatu du, "immigrazio arloko arduradun nagusia den aldetik, Eusko Jaurlaritzak zentro horri buruz egindako adierazpen kontraesankorrak eta iluntasuna azal ditzan".
Zure interesekoa izan daiteke
Lehendakaria agintaldiko politika orokorreko bigarren eztabaida prestatzen ibili da alderdikideekin
Bere agintaldiko politika orokorreko bigarren eztabaidari helduko dio bihar, osteguna, Imanol Pradalesek. Bertan, ekonomian jarriko du arreta, nazioarteko testuinguru korapilatsuaren eta inflazioaren igoeraren aurrean. Herritarrak kezkatzen dituzten beste arazo batzuk ere hartuko dituzte hizpide; hala nola etxebizitza, osasuna, hezkuntza, segurtasuna eta immigrazioa.
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".