Itxaso: "Errefuxiatuentzako arreta sistema ia beteta dago Euskadin, erdibideko sare bat behar da"
Denis Itxaso Espainiako Gobernuak Euskal Autonomia Erkidegoan (EAE) duen ordezkariak nabarmendu duenez, Gasteizen, Arana klinika zenaren eraikinean, zabaldu asmo duten errefuxiatuentzako arreta zentroa egungo beharrei erantzuteko da. Izan ere, zehaztu duenez, gaur-gaurkoz errefuxiatuak hartzeko plazen okupazio maila "ia beteta" dago. "Erdibideko faseko sare bat eraiki behar da pertsona horiek guztiak artatzeko", aldarrikatu du.
Radio Euskadiren "Boulevard" saioari eskainitako elkarrizketa batean, Itxasok joan den astean polemika iturri izan zen nazioarteko zentroaren auzia —Jaurlaritzak zein oposizioak gogor kritikatu dute proiektua— hartu du ahotan. Azpimarratu du zentroa gobernuz kanpoko erakundeekin "adostu" dute eta Europako ereduaren barruan dago txertatua. "Errefuxiatuen fenomenoa goranzko joeran dago, eta Europak erresilienteagoa izan nahi du", azaldu du.
Ildo horretan, Jaurlaritzak defendatzen duen euskal eredua zein den galdetu du. Euskal eredua al da Irungo industria nabe batean 250 plaza jartzea? edo euskal familien elkartasunaren menpe jarraitzea?", itaundu du. Argudiatu duenez, "ez da bideragarria" errefuxiatuak zuzenean etxebizitzetara joatea, laguntza behar dutelako, "autonomia eta integrazioa helburu duen erdibideko errekurtso batzuk". Halaber, azaldu du zentroak 350 leku izango dituela, baina horrek ez duela esan nahi "beti beteta" egongo denik.
Bestalde, azken astean sortutako ika-mikari buruz, "eztabaida alderdikoi eta elektoralista" izatea deitoratu du, eta buruzagi batzuen adierazpenak "arduragabeak" izan direla salatu. "Badirudi azken egunotan gogoetarako eta gaiari pasioa kentzeko ahalegin bat egon dela, eta horretan lagundu nahi dut", esan du.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.