Gorenak zigortu egin ditu Junqueras, Turull eta Bassa, desobedientzia eta dirua bidegabe erabiltzea egotzita
Auzitegi Gorenak zigortu egin ditu Oriol Junqueras, Raül Romeva, Jordi Turull eta Dolors Bassa buruzagi independentistak, desobedientzia eta diru publikoa bidegabe erabiltzea egotzita.
Sedizio-delitua Zigor Kodetik kendu ondoren, 2019an kaleratutako Kataluniako prozesu independentistaren epaia berrikusi du Gorenak, eta gaur eman du ezagutzera erabakia. Besteak beste, diru publikoa bidegabe erabiltzeagatik aipatutako lau buruzagi horiei ezarritako inhabilitazioa bere horretan mantentzea erabaki du. Hala, Junquerasek eta Bassak 2031ra arte ezingo dute kargu publiko batera aurkeztu, eta Turullek eta Romevak, 2030era arte.
Bestalde, Jordi Sanchez eta Jord Cuixart, ANC eta Omnium Cultural elkarteetako presidente ohiak, hurrenez hurren, desordena publikoengatik zigortu ditu, eta Josep Rull, Carme Forcadell eta Joaquim Forn, desobedientziagatik. Bost horien kasuan, inhabilitazioagatik ezarritako zigorrak bertan behera geratu dira, Zigor Kodearen erreformaren ondorioz.
Manuel Marchena (presidentea), Andres Martinez Arrieta, Juan Ramon Berdugo, Antonio del Moral, Andres Palomo eta Ana Ferrer magistratuek osatu dute epaimahaia. Ohartarazpen bat egin dute autoan: Zigor Kodearen erreformak "lege hutsune" nabarmena utzi duela esan dute, indarkeriarik erabili gabe burutzen diren prozesu sezesionistak "zigorgabe" geratzen direlako. "Konstituzioarekiko leialtasunik eza eta elkarbizitzaren oinarriak gutxiestea ezingo dira zigortu, indarkeriarik erabili ez den kasuetan", azaldu dute.
"Europan ikusiko gara"
Epaiaren berri izan eta berehala, Jordi Turull Juntseko idazkari nagusiak esan du Europara joko duela babes bila, eta hango auzitegietara eramango duela gaia. "Europan ikusiko gara. Errekurtsoak aurkeztuko ditugu Europan, han baitago benetako justizia. Espainiako kupula judizialean mendekua besterik ez dago", esan du hedabideen aurrean egin duen agerraldian.
"Gorenak zigortu eta inhabilitatu nazake, baina argi dago independentziaren aldeko nire konpromisoa ezin duela inhabilitatu. Ez dut behar kargu publikorik independentziaren alde lan egiteko", gehitu du.
Gaur arratsaldean bere abokatu taldearekin bilduko dela jakinarazi du Turullek, eta aurrera begira eman beharreko urratsak zehaztuko dituztela.
Ildo beretik mintzatu da Marta Vilalta ERCko idazkari nagusiaren ondokoa eta bozeramailea. Horren hitzetan, Espainiako Justiziaren "arbitrariotasuna" agerian geratu da, beste behin. Zigor Kodearen erreforma aintzat ez hartzea leporatu dio Gorenari. "Honek nazioarteko auzitegietan egingo dugun bidean lagunduko digu", iragarri du buruzagi errepublikazaleak prentsaurrekoan.
Espainiako Gobernuak eta Generalitateak adostutako Zigor Kodearen erreforma "ondo eginda" zegoela nabarmendu du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.