AHTa Frantziarekin lotzeko afera "mahai gainean" duela erantzun dio Macronek lehendakariari
Macronen gobernuak AHTa Akizera (Frantzia) heltzeko data 2030etik 2042ra atzeratu izanak kezka sortu du EAEn eta Arku Atlantikoa osatzen duten beste hiru autonomia erkidegoen artean, eta hori dela eta, gutuna bidali zien Iñigo Urkullu lehendakariak Pedro Sanchez eta Emmanuel Macron Espainiako eta Frantziako buruzagiei. Bada, azken horrek erantzun duela jakinarazi du gaur Bingen Zupiria Eusko Jaurlaritzako bozeramaileak Euskadi Irratian egin dioten elkarrizketa batean.
"Faktoria" saioan egindako adierazpenetan, Zupiriak argitu du Macronek ez duela lan horiek bizkortzeko "konpromiso zehatzik hartu" baina erantsi omen du "gaia mahai gainean dagoela eta aztertu beharko dela". Sanchezek, aldiz, konpromisoa agertu ei du.
Zupiriak gogorarazi duenez, ardatz atlantikoa Frantziarekin, eta horrenbestez, Europarekin, lotzeko "kezka" aspaldikoa da, "Ardanza lehendakariaren garaikoa", eta "32 urte geroago, ikusten dugu arriskua badagoela arku atlantikoa atzenduta geratzeko". Bozeramailearen iritzian, datorren seihilekoan Espainiak Europako Presidentetza izateak ematen du "egokiera bat" eskari hori aztertzeko eta bultzatzeko.
Bestalde, Jaurlaritzan goi kargua izan ondoren sektore pribatura igaro diren pertsonen kasuek eragin duten polemikaz galdetuta, Zupiriak esan du Eusko Legebiltzarrak berak duela zortzi urte onartutako lege baten arabera kudeatzen direla halakoak, eta eurei legea betetzea dagokiela.
Dena dela, bere kasuaz hitz eginda, argitu du berak ez duela "nora joan" kargu publikoa uztean, eta argi duela norbait mesede egin badio, ezin dela enpresa horretara joan, baina honakoa nabarmendu du: "Garbitasun batekin egin badira gauzak, eta horretara dauzkagu berme juridikoak, niri ezin didate eragotzi, lanpostua uzten dudanean, jardun pribatu batera joatea. Legeak ez dit hori eragozten. Ez dakit zergatik ikusarazi nahi den legeak onartzen ez dituen gauza batzuk egiten ari garela".
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.