Kongresuak atzera bota du Voxek Sanchezen aurka aurkeztutako zentsura mozioa
Egintzat jotzen zen, eta ezusteko bakarrarekin, Kongresuak atzera bota du Vox alderdiak Espainiako presidente Pedro Sanchezen aurka aurkeztutako zentsura mozioa. Ramon Tamames hautagai independentistak ez du, beraz, Gobernuko presidentetza "dastatuko". Egun eta erdi iraun duen eztabaida bukatuta, Ciudadanoseko diputatu ohi Pablo Cambroneroren babesa soilik jaso du ekimenak. Aurreikusitakoa betez, PPk abstenitzea hautu du, Santiago Abascalen aurreneko mozioan kontra azaldu bazen ere.
Onartua izateko Kongresuaren gehiengo osoa (176 boto) behar zuen mozioak, baina hortik oso urruti geratu da: 53 aldeko boto. 201 izan dira, guztira, kontra agertu diren diputatuak, baina oraingo honetan 2020ko zentsura mozioan baino abstentzio gehiago (91) zenbatu dituzte.
Behin bozketa amaituta, Voxeko diputatuak Tamamesengana hurbildu dira, ekonomialaria agurtzeko, alderdiak egindako eskaintza onartzeagatik eskerrak emateko eta eztabaidan eman dituen mintzaldiengatik zoriontzeko.
Sanchezek "iruzur konstituzionaltzat" jo du mozioa
Espaniako presidente Pedro Sanchezek "iruzur konstituzionaltzat" jo du mozioa, eta Tamamesi aurpegiratu dio Parlamentuarekiko begirunerik ez izatea. Gainera, gogor kritikatu du PPko buruzagi Alberto Nuñez Feijoo Kongresuan ez egotea.
Espainiako Gobernuko presidente Pedro Sanchez. Argazkia: EFE
Haren esanetan, Konstituzioan jasotzen da mozioak gobernu berriak eratzeko aurkezten direla, "ez indarrean dagoen gobernu bat erorarazteko". Parlamentuan horrelakorik ikusi ez dela zehaztu du: "Ez zegoen presidente izateko hautagairik, ez zuten programarik, ezta gehiengorik ere".
Tamames eta Esteban, aurrez aurre
Ramon Tamames eta EAJren eledun Aitor Esteban ika-mikan aritu dira Kongresuan, ekonomialariak jeltzaileei "ildo autonomistari" jarraitzeko eta "euskal nazionalismoa aboratzeko" aholkatu dielako.
Alderdi guztietako ordezkariei batera erantzun badie ere, salbuespena egin du EAJrekin. Izan ere, Estebanek atzokoan egotzi zion nazionalistak "etsaitzat" hartzea eta "alde batera utzi nahi izatea".
Tamames eta Esteban, aurrez aurre, aurrez aurre. Argazkia: EFE
Horren aurrean "euskal aferarekiko" interesa erakutsi du. 1976ko garaiak ahotan, Estebani erantzun dio Carabancheleko kartzelan egon zela orduan hitzaldi bat ematen, ETAko presoek eskatuta. "Orduan ere esan nuen ez nintzela horren aldekoa", nabarmendu du.
"Presoei esan nien Euskal Herrian etorkizun oparoa izango zutela, baina horretarako lan egin behar zutela. Ez zidaten kasurik egin, atentatuak egiten jarraitu zuten", erantsi du.
Oihuak, mitinak eta ezjakintasuna egotzi die ordezkariei Tamamesek
Ramon Tamames ekonomialariak agiraka egin die alderdi guztietako bozeramaileei eztabaidaren bigarren saioan, eta aurpegiratu die oihuka hitz egitea, saio parlamentarioak "mitin" bilakatzea eta Espainiako historiari buruz ezer gutxi jakitea.
Ramon Tamames Kongresuan
Alderdi guztietako ordezkariei erantzun die Tamamesek, "arreta handiz" jarraitu dituela esan die, eta onartu du agerraldi interesgarriak entzun dituela, "CUPena baita". Zentsura mozioak ideiak kontrajartzeko balio izan du, bere ustez.
Amaieran, Gobernuari leporatu dio emakumeak "nahi eran" erabiltzea, eta gogorarazi du XVI. mendean Elisabet I.a Gaztelakoak "erregeak berak baino botere gehiago" zuela.
PSOEk uste du "benetako mozioa" PPri ezarri diola Voxek
PSOEk Kongresuan duen bozeramaile Patxi Lopezek adierazi du "benetako" zentsura mozioa PPren aurka ezarri duela Voxek, "nahiz eta gauza bera defendatzen duten bi alderdi diren". Abascalen atzoko hitzaldia gogoan, azpimarratu du denbora gehiago eman zuela PPko presidente Alberto Nuñez Feijoori buruz berbetan, Ramon Tamames hautagaia aurkezten baino.
PSOEren Kongresuko bozeramaile Patxi Lopez
Zentzu horretan, berretsi du eskuina eta eskuin muturra "onean zein txarrean" elkarrekin daudela, gauza bera direla, ideia berdinak defenditzen dituztela eta bien etorkizuna berbera dela.
Sozialistek Patxi Lopezen berbaldia txalotu dute. Argazkia: EFE
"Loturarik gabeko PP" aldarrikatu du Gamarrak
PPren Kongresuko bozeramaile Cuca Gamarrak nabarmendu du bere alderdiak ez duela inolako "loturarik", eta, beraz, zentsura moziotik aldenduko dela, "alferrikakoa" dela iritzita. Tribunara igota, Gamarrak azaldu du PPk "bere bidea" egingo duela. Mozioari buruz, erantsi du "garaiz kanpo" datorrela, eta "antzua" dela.
Modu horretan arrazoitu du abstentzioa, eta gaineratu du ezin dutela alde bozkatu "espainiarrei zor diogun begiruneagatik"; ezta kontra ere, "zuri zor dizugun errespetuagatik" —Tamamesi zuzenduz—.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.