Eusko Legebiltzarreko gehiengo zabalak Jaurlaritzari eskatu dio gutxieneko soldataren igoera bultzatzeko
Eusko Legebiltzarreko gehiengo zabalak (EAJ, EH Bildu, PSE-EE eta EP-IU) Eusko Jaurlaritzari eskatu dio Espainiako Estatuan indarrean dagoen lanbide arteko gutxieneko soldata baino handiagoa izango dena bultzatzeko. Duela gutxi, Espainiako Gobernuak 1.080 eurora igo du gutxieneko soldata.
Gaurko osoko bilkuran, EAJk, EH Bilduk, PSE-EEk eta Elkarrekin Podemos-IUk erdibideko zuzenketa bat onartu dute, eta adierazi dute "komeni" dela Confebask patronalak eta sindikatuek gutxieneko soldata bat adostea, Euskal Autonomia Erkidegoko errealitate sozioekonomikoan oinarrituta.
EH Bilduk aurkeztutako mozio bat eztabaidatu dute gaur Eusko Legebiltzarrean. Bertan, koalizio abertzaleak esan du gutxieneko soldata 1.400 eurokoa izan beharko litzatekeela Araban, Bizkaian eta Gipuzkoan, Espainiako Estatuan baino 320 euro handiagoa. Dena dela, azkenean EAJk, EH Bilduk, PSE-EEk eta Elkarrekin Podemos-IUk adostu duten zuzenketan ez da zenbateko hori zehazten.
Arkaitz Rodriguez ekimenaren bultzatzaile izan den EH Bilduko legebiltzarkideak akordioaren garrantzia azpimarratu du: "Lehen aldia da Legebiltzarrak horren modu argian, horren modu zabalean, esaten duena behar dugula gutxieneko soldata bat hemengo errealitate sozioekonomikoari egokituko zaiona". Era berean, nabarmendu du Eusko Jaurlaritzari eskatzen zaiola jarrera aktiboa izatea, eta patronalari, mahaian esertzea eta negoziatzea.
Jon Aiartzak (EAJ) onartu du akordioa, positiboa ez ezik, garrantzitsua ere badela, eta gaineratu du Eusko Jaurlaritza aspalditik ari dela soldatak hobetzeko helburuarekin lanbidearteko akordioak defendatzen.
Ekain Ricok (PSE-EE) Pedro Sanchezen Gobernuak onartutako 1.080rainoko igoera goraipatu du, eta Eusko Legebiltzarrak patronalari eta sindikatuei soldatak hobetzeko dei "argia eta irmoa" egin izana azpimarratu du.
Jon Hernandez (Elkarrekin Podemos-IU) ere oso pozik agertu da akordioarekin, eta esan du Confebask patronala dela EAEko errealitatera egokitutako soldatak izateko "oztopo nagusia".
Laura Garrido PP+Cs taldeko legebiltzarkidearen esanetan, akordioa propaganda hutsa da: enpresaburuak kriminalizatzen dituelako, batetik, eta gutxieneko soldata ezartzea Espainiako Gobernuaren eskumena delako, bestetik.
Amaia Martinez Voxeko legebiltzarkideak ez du eztabaidan parte hartu, baina aurkako botoa eman du.
ELA: Eusko Legebiltzarrak gutxieneko soldatari buruz adostutako adierazpena "hutsala eta propagandistikoa da"
Hedabideetara bidalitako ohar batean ELAk adierazi duenez, lau alderdi horiek lorturiko akordioa "erabat propagandistikoa" da. Horren esanetan, adierazpenak ez du koherentziarik egunerokoan "uko egiten diotelako patronalari aurre egiteari". Legezko obligaziorik ez duen adierazpenaren helburu bakarra "beren burua zuritzea" dela azaldu du.
LABek Confebaski eskatu dio sindikatuekin akordioa lortu eta gutxieneko soldata 1.400 euroan finkatzeko
LABek, bere aldetik, Confebask patronalari eskatu dio sindikatuekin akordioa lortu eta lanbide arteko gutxieneko soldata 1.400 euroan ezartzeko. Sindikatuaren hitzetan, gutxieneko soldata ez igotzeko oztopo nagusia patronala da, eta iragarri du laster bilera bat eskatuko diela Eusko Jaurlaritzako Enplegu Sailari eta Confebaski gai horri buruz hitz egiteko.
Albiste gehiago politika
Rodriguez: "Herri hau berriro zutitu behar da bloke neofrankistari ozen esateko ezin izan zutela, ezin dutela eta ezingo dutela"
"Garai zailak bizi ditugu, eta are ilunagoak etor daitezke, baina herri honek eta nazio askapen mugimenduak badakite zer den hori. Frankismoari, torturari eta gerra zikinari eurre egiteko gai izan ginen, estrategiaz aldatu eta ziklo politiko berri bat irekitzeko, eta gai izango gara herri hau independentziara eta sozialimora eramateko ere", azpimarratu du Sortuko idazkari nagusiak.
Begoña Gomez ez da aurkeztu epailearen aurrean, herri-epaimahai batek epaitzeko prozesuaren baitan
Espainiako Gobernuko presidentearen emaztea herri-epaimahai batek epaitu ahal izateko izapidea zen, ustez diru publikoa bidegabe erabiltzea egotzita. Cristina Alvarez, Gomezen aholkularia, eta Francisco Martin, Gobernuaren ordezkaria Madrilen, ere ez dira aurkeztu.
EAJk igande honetan Alderdi Eguna ospatuko duen zelaietan egon dira goizean Pradales eta Esteban
Igande honetan 49. edizioa izango duen Alderdi Egunean zentralitatea aldarrikatuko dute jeltzaleek. Forondan egingo dute ekitaldia, "Batzen gaituzten hariak" lelopean.
Txiki eta Otaegiren "faxismoaren aurkako borroka" babestu du EHKSk fusilamenduen 50. urteurrenean
EHKSk ekitaldi politikoa egin du gaur eguerdian Zarautzen, "Atzoko eta gaurko faxismoaren aurka", Juan Paredes 'Txiki' eta Angel Otaegi ETAko kideen fusilamenduaren 50. urteurrena dela eta. Frankismoaren kontra borrokatu zirenei omenaldia egin eta gaur egun ere borroka antifaxista beharrezkoa dela nabarmendu dute ekitaldian.
Eneko Andueza: "Hilda daude batzuen independentzia nahiak"
Eneko Andueza PSE-EEko idazkari nagusiak estatutuari buruz hitz egin du Durangon egin duten Arrosaren Jaian. Euskal sozialisten buruak argi utzi du ez dutela "identitateen estatutu bat" babestuko.
PSE-EE "Euskadi gidatzeko prest" dagoela aldarrikatu du Anduezak
EAEko sozialisten idazkari nagusiak gobernu maila guztietan duten papera nabarmendu du, eta egonkortasun, aurrerapen eta kohesio aro berri baten buruzagitza hartzeko gaitasun handiena dutela esan du.
50 urte Txiki eta Otaegi fusilatu zituztela: senideek memoria eta aitortza aldarrikatzen dituzte
Mende erdi joan da frankistek Jon Paredes Txiki eta Angel Otaegi fusilatu zituztenetik. Urte horietan guztietan, haien senideek lan gogorra egin dute memoria ez galtzeko. Instituzioek oso ahaztuta izan dituztela esan dute; izan ere, bi gazteak ez zituzten biktimatzat aitortu 2012. urtera arte.
Alderdi politikoek beren ikuspuntua eman dute Txiki eta Otaegiren fusilamenduaren 50. urteurrenean
Frankismoaren biktimak direla esan dute EAJk eta PSE-EEk, baina terrorismoa ez lausotzeko eskatu dute. EH Bilduk haien memoria defendatu du, frankismoaren aurkako borrokaren "erreferente" gisa, eta PPk eskatu du egin zituzten "krimenak" gogoratzeko.
Zarauzko eta Azpeitiko udalek Txiki eta Otaegiren aitortza ekitaldiak egin dituzte
Zarautzen ostiral honetan eta Azpeitian ostegunean aitortu dituzte Frankoren diktaduran fusilatutako bi gazteak, eta adierazpen instituzionalak irakurri dituzte "egin zitzaien injustiziaren aurrean elkartasuna eta gizatasuna” adierazteko.
EAEko Auzitegi Nagusiak eta Jaurlaritzak epaitegietako plantilla handitzeko eskatu dute, “gainezka daudelako”
Lehendakariak eta Auzitegi Nagusiko presidenteak EAEko epaitegien saturazioa salatu dute urte judizialaren irekiera ekitaldian. Justizia ministroak iragarri du Espainiako Estatuan hiru urtean 2.500 plaza sortuko direla.