UPN izango litzateke bozkatuena Iruñean, baina PSNk berriz ere izango luke Alkatetzaren giltza
UPN izango litzateke alderdi bozkatuena Iruñeko udal hauteskundeetan, baina 2019an gertatu bezala, PSNk giltza izango luke Cristina Ibarrola (UPN) edo Joseba Asiron (EH Bildu) alkate izendatzeko, EITB Focus makroinkestaren arabera.
Maiatzaren 28ko hauteskundeetarako bi hilabete falta direnean egin dute EITB Focus inkesta erraldoia. Atzo, EITB taldeko hedabideek Nafarroako Parlamenturako boto aurreikuspenak publikatu zituzten, eta gaur, aldiz, Iruñeko udalekoak.
PDFa: EITB FOCUS, boto asmoari buruzko inkesta Iruñean
Hori horrela, Navarra Suma koalizioaren hausturak kalte egingo lieke eskuineko alderdien emaitzei, duela lau urte baino zinegotzi bat gutxiago lortuko bailukete. Hain zuzen ere, batera 13 ordezkari eskuratu zituzten aurrekoan, eta bananduta 12 izango lituzkete maiatzean: 10 UPNk, 2 PPNk eta bat ere ez Ciudadanosek. Vox, gainera, esku hutsik geratuko litzateke.
Bigarren indarra EH Bildu izango litzateke, egungo zinegotzi kopuruari eutsita (7), boto-portzentajean puntu erdi galduko lukeen arren.
PSNk 4 ordezkari (bat gutxiago) eta botoen % 14,3 (1,9 puntu gutxiago) jasoko lituzke.
Bestalde, Geroa Baik bi zinegotzi eskuratuko lituzke, orain arte bezala, eta hazkundea izango luke boto aurreikuspenean: % 8,4; 0,6 puntu gehiago.
Azkenik, Podemos eta Izquierda-Ezkerra alderdiek bi zinegotzi batuko lituzkete Zurekin Nafarroa koalizioarekin. Azken legegintzaldian ez zuten ordezkaritzarik izan.
EITB FOCUS
Alkatetza, airean
Testuinguru horretan, Nafarroako hiriburuaren gobernagarritasuna PSNren eskutan egongo litzateke. Sozialistek EH Bilduren alde bozkatuko balute, Joseba Asiron egingo lukete alkate, baina euren hautagaitzaren alde egingo balute, Cristina Ibarrola izango litzateke udal gobernuko burua.
2019ko hauteskundeen ostean, Alderdi sozialistak eta koalizio abertzaleak ez zuten akordiorik lortu, eta, ondorioz, Enrique Maya (UPN) izendatu zuten alkate, gehiengo sinplez, boto gehien izan zituen zerrendako burua zelako.
Lau urteren ondoren, baina, sozialistek eta abertzaleek zeharo aldatu dute euren arteko giro politikoa. Hainbat akordio eginda dituzte Nafarroako Parlamentuan eta Diputatuen Kongresuan, eta aukera guztiak irekita daude, horrenbestez.
Zure interesekoa izan daiteke
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.