Ezagutze errondan Merinok ez du identifikatu Pasaiako sarraskian parte hartu zuen poliziarik
Pasaiako badian Espainiako Poliziak Komando Autonomo Antikapitalistetako lau kide tiroz hil zituenetik 39 urte igaro direnean, gertakari haietan parte hartu zuen polizietako bat identifikatzeko ahaleginean, ezagutze-erronda egin da gaur Gipuzkoako Lurralde Auzitegian. Denera, zazpi agentek hartu behar zuten parte, baina hiru agertu dira goizeko saiora.
Joseba Merino da sarraskitik bizirik atera zen bakarra, eta hark esan zuen segadan parte hartu zuten polizietako bat ezagutu zuela TVEko dokumental batean. Hori esan ondoren, Gipuzkoako Lurralde Auzitegiko epaile batek kasua berriro irekitzea erabaki zuen, eta Merino deitu zuen gaurko identifikazio-saioan parte hartzera.
Auzitegitik atera berritan, Merinok berak azaldu du ez duela inor identifikatu. "Tranpa" hitza ere erabili du, "poliziak baitira, poliziak bidaltzen dituztenak". Halere, "epaileak benetako borondatea badu", oraindik "partida luzea" dagoela jokoan esan du. "Orain artekoa bide onetik doa", gehitu du.
Hurrengo identifikazio-saioak noiz izango diren ez dute jakinarazi. Hiru falta dira erronda pasatzeko, deituta zegoen zazpigarrena hilda dago eta.
1984ko martxoaren 22an gertatu zen, 22:30 aldera. Enrique Casas buruzagi sozialistaren hilketaren ondoren, Dioni Aizpuru, Jose Mari Izura, Rafa Delas eta Pedro Mari Isart Komando Autonomo Antikapitalistetako kideak tiroz hil zituen Espainiako Poliziak. Ia lau hamarkada igarota, oraindik ez da inor epaitu gertakari haiengatik. Merinok 17 urteko espetxe-zigorra bete zuen, Casasen hilketagatik.
Gaurko saioa dela eta, sarraskian hilldakoen senitartekoek elkarretaratzea deitu dute Gipuzkoako Auzitegiaren atarian, 10:00etan, "Pasaiako sarraskia ikertu eta argitu" goiburupean. Horien izenean, Pello Aizpuruk, Dioni Aizpururen anaiak, hitz egin du. Aitortu du auzia berriro zabaltzeak itxaropenerako zirrikitu bat zabaldu duela, aurrera egitea oso zaila izango dela badakien arren. "Badirudi, epaile berri honek jarrera eta borondatea badituela gauzak argitzeko", esan du.
Dena dela, epaitegietako bidea ez ezik, erakundeetakoa ere jorratzen jarraituko dutela erantsi du, eta zentzu horretan, "konpromisoa, azalpenak eta epeak" eskatu dizkio Eusko Jaurlaritzari. "Ez dugu inpunitaterik onartuko", gehitu du.
Bi nobedade nagusirekin iritsi da segadaren 39. urteurrena. Kasua berriro zabaltzeaz gain, joan den astean Giza Eskubideen eta Botere Publikoen EHUko UNESCO Katedrak, Eusko Jaurlaritzaren enkarguz, Pasaiako sarraskiari buruz egindako txosten bat ezagutu zen. Lan horrek hitzez hitz dioenez, "ez da egin ikerketa judizial eraginkorrik" Pasaian gertatutakoa argitzeko, eta exekuzio estrajudizial baten antza izan zuen operazioak.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.