Emakumeak politikan: zinegotzien % 7 1979an, % 46 gaur
Politikan ari diren emakumeen kopurua asko hazi da Euskal Autonomia Erkidegoan azken 45 urte hauetan. Frankismoaren ondorengo lehen udal hauteskundeen ondoren, 1979an, zinegotzien % 7,1 ziren emakumeak. 2019ko hauteskundeen ostean, aldiz, kopuru hori % 46,3koa da.
Gauza bera gertatu da alkatetzetan dauden emakumeen kasuan ere: 1979ko % 1,3tik, gaur egungo % 30,2ra igo da zenbakia. Araba, Bizkaia eta Gipuzkoako Batzar Nagusietan hautetsien % 6,1 ziren emakumeak 1979an, eta % 54,2 dira gaur egun.
Maiatzaren 28ko udal eta foru hauteskundeen ondoren, gainera, lehenengo aldiz emakume bat izango da Gasteizko alkatea, aurkeztuko diren alderdi nagusietako hautagaiak hala dira-eta: Beatriz Artolazabal (EAJ-PNV), Maider Etxebarria (PSE), Rocio Vitero (EH Bildu), Ainhoa Domaica (PP) eta Garbiñe Ruiz (Podemos). Hauetako bat izango da, ziurrenik, Arabako hiriburuko lehen emakumezko udalburua.
Bizkaia eta Gipuzkoako Foru Aldundietan ere gauza bera gerta liteke. Inkesten arabera, EAJko Elixabete Etxanobek Bizkaiko ahaldun nagusi izateko aukera handiak ditu. Lortuko balu, kargu hori beteko duen lehen emakumea izango da.
Bien bitartean, Gipuzkoako batzar orokorretako hauteskundeetan aukera gehien dituzten bi zerrendaburuak ere emakumeak dira: Eider Mendoza (EAJ-PNV) eta Maddalen Iriarte (EH Bildu). Bietako bat izan daiteke historiako lehen emakumezko ahaldun nagusia.
Parekidetasuna zerrendetan
Hauteskundeetara aurkezteko zerrendak osatzeko garaian, alderdiak parekidetasuna bilatzera derrigortuta daude legez. Udal-hauteskundeetako zerrendetan gizonen eta emakumeen presentziak orekatuta egon behar du; ezin da genero bakoitzeko % 60 baino gehiago eta % 40 baino gutxiago egon, 5 hautagaiko tarteak kontuan hartuta. Salbuespen bakarra 3 000 biztanle edo gutxiago dituzten herrietan dago, hauetan ez dago parekidetasunaren inguruko inolako araurik.
Batzar Nagusietako hauteskundeetarako zerrendetan, berriz, gizonen eta emakumeen presentzia erabat orekatua izan behar da; % 50ekoa genero bakoitzetik, 6 hautagaiko tarteak kontuan hartuta.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.