Hezkuntza lege berrirako oinarriak sinatu eta urtebetera, zer?
Gaurko egunez, duela urtebete, Euskal Autonomia Erkidegoko Hezkuntza Lege berria izango denaren oinarriei argi berdea eman zien Eusko Legebiltzarrak. Hezkuntza itunak 68 legebiltzarkideren babesa eskuratu zuen (% 90,6), PP+Cs eta Vox ez beste alderdi guztiek babestu baitzuten.
EAJk, EH Bilduk, PSE-EEk eta Elkarrekin Podemos-IUk adostutako akordioak jasotzen du, besteak beste, euskal hezkuntza "euskara ardatz duen sistema eleaniztun" gisa egituratzea, eta eskola publikoaren pisua indartzeko eta segregazioari aurre egiteko neurriak ezartzea.
"Historiko" gisa definitu zen itun hartatik, ordea, gorabehera asko izan dira, eta Euskal Autonomia Erkidegoko Hezkuntza Legearen aurreproiektua behin eta berriro atzeratu da. Testuinguru horretan, EITBk gaiaz galdetu die Vox ez beste talde parlamentario guztietako ordezkariei.
Atzerapenak atzerapen, EAJko Leixuri Arrizabalagak baikor hitz egin du, eta Eusko Legebiltzarrak legegintzaldi honetan onartuko duen esperantza agertu du. Horren ustez, ez dauka aparteko garrantzirik Gobernu Kontseiluak martxoan edo apirilean onartzea. Behin hori eginda, Legebiltzarreko tramitazioa hasiko da eta taldeek proposamenak egin ahalko dizkiote orduan oinarrizko dokumentuari.
Arrizabalagaren iritziz, oraindik goizegi da Hezkuntza Lege berria izango denak Eusko Legebiltzarrean jaso ditzakeen babesez hitz egiteko, baina hezkuntza ituna sinatu zuten lau alderdien onespena izatea espero du.
Ekain Rico PSE-EEko legebiltzarkideak adierazi du denbora agortzen ari den arren posible dela legegintzaldi honetan onartzea. Gaineratu duenez, 2024-2025 ikasturtean indarrean sartzea da helburua.
Halaber, PSE-EEko ordezkariaren iritzian, lau alderdien arteko adostasunari eutsi nahi diote, eta, ahal bada, adostasun hori handitu.
EH Bilduko Ikotz Arresek espero du lege berria legegintzaldi honetan bertan onartu ahal izatea, hezkuntza komunitatearen eta talde parlamentarioen ekarpenak aintzat hartuta. Arreseren arabera, koalizio abertzaleak lan egingo du testua hezkuntza akordioari ahalik eta leialena izateko.
Bestalde, EH Bilduko legebiltzarkideak posible ikusten du testuak hezkuntza ituna sinatu zuten lau alderdien babesa lortzea.
Miren Gorrotxategi Elkarrekin Podemos-IUko bozeramailea, bere aldetik, ezkor mintzatu da, eta salatu du Eusko Jaurlaritza atzerapausoak ematen ari dela eskola publikoa indartu eta segregazioa baztertzeko lanean. Hori guztia dela eta, zaila ikusten du Elkarrekin Podemos-IUk bere babesari eustea.
Hezkuntza ituna ez dela betetzen ari eta sortutako "ilusioa desengainu" bihurtu dela adierazi du Gorrotxategik. Horren aburuz, gaur-gaurkoz, Eusko Jaurlaritzak atzera egin beharko luke egiten ari den gauzetan lege berria hezkuntza sistemarentzat onuragarria izan dadin.
Azkenik, PP+Cs talde parlamentarioak duela urtebete emandako ezezkoa berretsi du Carmelo Barrio legebiltzarkideak. Horren iritziz, bere taldeak iritziz aldatzeko hainbat aldaketa gertatu behar dira: besteak beste, ikasleak eta familiak hezkuntza sistemaren erdigunean jarri beharko lituzke eta familiek ikastetxea eta eredua hautatzeko aukera izan beharko lukete.
Halaber, EH Bilduren tesiak gailentzen ari direla kritikatu du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.