Covitek salatu du herri gehiagotan ere sartu dituztela ETAko kideak biktimen zerrendetan
Covitek salatu du EAEko beste sei herritan ere gehitu dituztela ETAko kideak biktimen zerrendetan, Galdakoko Udalak egin bezala, Aranzadirekin batera sortutako memoria weguneetan.
Hain zuzen ere, Covitek udal hauek aipatu ditu: Villabona, Oiartzun, Hernani, Azpeitia, Tolosa eta Orio. EH Bilduren esku daude guztiak, Tolosa izan ezik (EAJ).
Villabonako Udalaren oroimen webgunean, Oscar Zelarain Ortiz ETAko kide ohia ageri da "espetxe politikaren eta salbuespen neurrien biktima" gisa. Bi pertsona hiltzeagatik kondenatu zuten.
Bestalde, Oiartzungo zerrendan, Joanes Larretxea Mendiola (Inazio Uriaren hilketagatik kondenatutako ETAko kideetako bat) ageri da.
Hernanin, Ekain Ruiz sartu dute, "bortizkeria politikoak ondorioztatutako beste gertaera batzuk" atalean. Manipulatzen ari zen lehergailu batek eztanda eginda hil zen. Jose Maria Martin Carpena Malagako PPko zinegotzia zena hil zuen komandoarekin lotura zuen Ruizek.
Jose Luis Arrieta Zubimendi Azkoiti ETAko kide historikoa Azpeitiko Udalaren zerrendan ageri da, "erbesteratze egoeran hildakoak" kategorian. "Hau da, justiziarengandik ihes eginda egonda hiltzeagatik" sartu dute, deitoratu du Covitek. Webgune berean, Gotzon Aranburu Sodupe ere gehitu dute, "poliziaren zaintzapean torturak" sailkapenarekin.
Azken kausa horregatik ere, Patxi Uranga Salbide dago Orioko Udalaren webgunean.
Azkenik, Tolosako oroimen webgunean, Txabi Etxebarrieta Ortiz, hilketa bat egin zuen ETAko lehen kidea (Jose Antonio Pardines guardia zibila hil zuen, hain justu), sartu dute, Guardia Zibilak tirokatuta hil zuelako.
Tolosako kasua
Tolosako oroimen webguneari dagokionez (EAJk gobernatzen du bertan), EAJren GBBko iturriek azaldu dute Aranzadiren lana EH Bilduk enkargatu zuela 2014an, koalizio abertzalea agintean zegoenean, eta zerrenda zuzentzeko eskatu ziotela zientzia elkarteari. Izan ere, "gauza bat da giza eskubideen urraketen biktima izatea eta beste bat espetxe politika bidegabeena izatea".
Horrenbestez, EAJren udal gobernuak bilatzailea desaktibatzeko eskatu dio Aranzadiri.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.