Arturo Espejo mailaz igo izanak duela 37 urteko puntura itzultzea eragin du, Zabalza Garate familiaren arabera
Mikel Zabalzaren familiak salatu duenez, Arturo Espejo Valero guardia zibila mailaz igo izanak gertaturikoa argitzeko esperantzak zapuztu dizkie, eta gogorarazi die "duela 37 urte ginen puntu berean gaudela". Idoia Zabalzaren esanetan, Espainiako Gobernuak tortura saritu nahiago izan du, egia eta justizia bilatu beharrean, "alde batera utzita Nazio Batuen biktimekiko irizpideak". Halaber, iraintzat jo du guardia zibilaren maila igoera eta begiak zabaltzeko balio izan diela azaldu du.
Mikel Zabalza 1985eko azaroaren 26an atxilotu zuten Donostian, beste bost pertsonarekin batera; kargurik gabe aske geratu ondoren, torturak salatu zituzten bostek. Zabalzaren gorpua, baina, 19 egun geroago aurkitu zuten, Bidasoa ibaian, eskuburdinak jarrita zituela.
Bertsio ofizialaren arabera, Guardia Zibilarengandik ihes egin zuen eta Bidasoa ibaian itota hil zen, Endarlatsan. Familiak beti uste izan du, ordea, Intxaurrondoko kuartelean hil zela, torturatuta.
Arturo Espejo Valero guardia zibila izan zen, hain zuzen ere, Mikel Zabalzaren atxiloketa eta Intxaurrondoko galdeketa gidatu zuen guardia zibila.
Zabalza Garate sendiak, Mikel Zabalza Gogoan plataformak, Nafarroako Torturatuen Sareak eta Aezkoako Batzarrak prentsaurrekoa eskaini dute gaur goizean Orbaizetan, besteak beste, Espejo Valero guardia zibilaren maila igoera salatzeko eta senideei babesa emateko.
Mikel Zabalza Gogoan plataformak hitzetatik ekintzetara pasatzeko eskatu du, Zabalza auziko dokumentuak desklasifikatzeko, egia aitortzeko eta egindako mina erreparatzeko. "Torturatzaileen zigorgabetasuna erabatekoa da, eta horrek torturatuen birbiktimizazioa dakar eta, bide batez, elkarbizitzari kalte egiten dio", gaineratu du.
Nafarroako Torturatuen Sarearen hitzetan, ez da etikoa batetik aitortzea eta erreparatzea eta, bestetik, mailaz igotzea eta dominak jartzea. Ildo horretan, "nahikoa" dela eta ez dutela horrelakorik onartuko azpimarratu dute.
Azkenik, Aezkoako Batzarrak iragarri du Zabalza auzian nahastutakoak persona non grata izendatzeko prozesua abiatu duela.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.