EAEko hiru herritarretik bik uste dute biztanleriak ez duela sistema politikoan eragiteko aukerarik
EAEko hiru herritarretik bik uste dutenez, biztanleriak ez du sistema politikoan eragiteko aukerarik, eta politikariei ez zaie axola herritarrek pentsatzen dutena. Horiek dira Arantzazulab gizarte berrikuntza laborategiak, EHU, Mondragon eta Deustuko unibertsitateekin lankidetzan, egindako "Demokraziari buruzko ulermenak gurean 2023" inkestaren ondorio nagusietako batzuk.
Galdeketaren nondik norakoak gaur aurkeztu ditu Naiara Goia Arantzazulabeko zuzendariak prentsaurrekoan, hiru unibertsitateetako ordezkariak ondoan zituela. Inkesta ikerketa proiektu zabalago baten barruan dagoela azaldu du Goiak, "oraindik martxan dagoena". Mendebaldean "demokraziarekiko kezka eta herritarren desatxikimendua" nagusitzen ari den honetan, EAEko herritarrek demokrazia nola ulertzen duten eta zein kontzepzio dituzten jakiteko galdeketa egitea ebatzi zuen laborategiak, esan duenez. "Emaitza deigarriak eta esanguratsuak lortu ditugu eta gure gizartea hobeto ezagutzeko aukera eman digu", gaineratu du.
Inkesta hilabeteko epean egin zuten telefonoz (otsailaren 22tik martxoaren 24ra) EAEko 2.173 herritarri galdetuta (1.022, Bizkaian; 661, Gipuzkoan, eta 490, Araban). Itaundutakoek emandako erantzun itxietako bat aukeratu behar zuten.
Oro har, biztanleriaren gehiengo zabal batek (10 herritarretik ia 9k) demokraziaren aldeko hautua egin du aukeran emandako erregimen politikoen artean, eta EAEko demokraziaren funtzionamenduaz galdetuta, balorazioa jaisten bada ere, % 60k "oso pozik" edo "dezente pozik" daudela esan dute. Dena dela, funtzionamendu zehatzarekin kritikoago azaldu dira galdetutakoak. Hala, ia % 65ek iritzi diote sistema politikoak herritar banakoari politikan eragina izaten "oso gutxi" edo "ezer ere ez" diola uzten. Proportzio bertsuan, biztanleek uste dute politikariei herritarrek pentsatzen dutena "oso gutxi" edo "ezer ere ez" zaiela inporta.
Bestalde, itaundutakoen erdiek demokrazia "konpromisoa"rekin lotzen dute, baina aitzitik, herenari baino gehiagori "axolagabekeria, mespretxua edo haserrea" sorrarazten dizkio hitzak.
Parte hartzeko ereduak hizpide, herritarren ia % 60k esan dute ordezkariak boto bidez hautatzea dela parte hartzeko eredu demokratikoena, baina herenak beste antolaketa modu batzuk hobetsi ditu, hala nola auto-antolaketa, herritarren zozketa edota boto asanblearioa.
Azken datu deigarri bat: sistema demokratikoan gobernuek izan beharreko lehentasunezko ezaugarriei buruz itaunduta, herritarren gehienak (% 75) nahiago dituzte gobernu horiek balio eta printzipioak edukitzea, eraginkortasunaren gainetik.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.