Usansolo gobernatuko duen batzorde kudeatzailea maiatzaren 4an eratuko dute
Bizkaiko 113. herri gisa, Usansoloko Udala gobernatuko duen batzorde kudeatzailea maiatzaren 4an eratuko dute. Bizkaiko Foru Aldundiak gaur izendatu du batzorde hori, gobernu bileran.
Foru erakundeak ohar bidez jakinarazi duenez, 11 kidek osatuko dute batzordea: 8 Usansolo Herria (UH) plataformakoak izango dira, eta beste 3ak, EAJkoak. Banaketa 2029ko udal hauteskundeen emaitzen arabera zehaztu du Aldundiak, Hauteskunde Batzorde Zentralak hala ebatzita. Dena dela, Aldundiak adierazi du maiatzaren 28ko bozen ondotik banaketa hori alda daitekeela.
Izan ere, datozen udal bozetan Galdakaoko Udaleko ordezkariak aukeratu beharko dituzte usansolotarrek. Usansolo ez dago tokian tokiko erakundeen erregistroan izena emanda, eta oraindik ez du errolda propiorik. Horregatik ebatzi zuen Hauteskunde Batzorde Zentralak 2019ko emaitzak kontuan hartzea.
Behin batzordea eratuta, erakundeak 30 egun izango ditu tokian tokiko erakundeen erregistroan izena ematea eskatzeko. Onartuko baliote, Hauteskunde Batzordeak M28ko emaitzen araberako banaketa zehaztu beharko luke.
Bizkaiko Batzar Nagusiek iazko azaroan onartu zuten Galdakaoko Udalak Usansolo udalerri independente bihurtzeko egindako eskaera, eta Bizkaiko 113. udalerri bihurtu zen ordura arte Galdakaoko auzo izandakoa. Estatuko Abokatutzak erabakiaren kontrako helegitea aurkeztu zuen EAEko Auzitegi Nagusian, Usansolok Estatuko araudiak ezarritako biztanle kopurua baino gutxiago duela argudiatuta —5.000 eskatzen ditu legeak, baina Usansolok 4.500 pasatxo ditu—. Auzitegiak ez zuen onartu erabakia behin-behinean baliogabetzea, baina auzia zabalik dago oraindik.
Aldundiak oharrean nabarmendu duenez, gaurko izapidearekin, "espedientea garaiz eta behar bezala" tramitatu du foru erakundeak, "Bizkaiko Batzar Nagusien agindua betez".
Zure interesekoa izan daiteke
Eneko Anduezak espero du Zapaterok justiziaren aurrean emango dituen "argudioak nahikoak izatea absoluziorako"
Eneko Andueza PSE-EEko idazkari nagusiak adierazi duenez, “espero” du Espainiako Gobernuko presidente ohi Jose Luis Rodríguez Zapaterok justiziaren aurrean emango dituen “argudioak” “nahikoak izatea absolbitua izan dadin”. Bestalde, Bilbo eta Donostia 2030eko Munduko Txapelketaren egoitza izateko aukerari buruz agertu diren zalantzez, batez ere euskal erakundeen eta EAJren aldetik, Anduezak esan du “batzuei bertigoa sartu zaiela” ekitaldi hori antolatzearen inguruan, eta ez dela bakarrik begiratu behar “epe laburreko errendimendua”.
Asensiok esan du "erabateko konfiantza" duela Zapaterorengan, eta auzipetze-autoan "susmoak" besterik ez daudela
Jose Ignacio Asensio Gipuzkoako PSE-EEren idazkari nagusiak Radio Euskadiko mikrofonoen aurrean adierazi du Jose Luis Rodriguez Zapaterorengan “erabateko konfiantza” duela. Halaber, auzipetze-autoan "frogarik ez" dagoela eta, une batzuetan, "errugabetasun printzipioa urratu egiten" duela ere esan du.
Jesus Eguiguren: "'Lawfare'a baino gehiago da, estatu kolpe bat martxan dago legegintzaldi guztian"
PSE-EEren presidente ohiaren arabera, Sanchezek Zapateroren "kolpea" ere gaindituko du eta legegintzaldiaren amaierara arte iraungo du.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
Rufianek hauteskunde batzuetan zerrendaburu izatea onartuko luke, horrek ezkerra batzen lagunduko balu
Gabriel Rufian ERCk Kongresuan duen bozeramaileak defendatu du ezker soberanistaren eta espainiarraren arteko hautagaitza baten buru izango litzatekeela, horrek "hauteskunde-emaitzak handitzen" lagunduko balu, eta "aurrera!" egiteko oihua egin du.
Chivitek, Esparzari: "Gauza bat da arazoak egotea, eta beste bat, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNren parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularraren presidentearen iritziz, "orain arte ikusi gabekoa da" Espainiako une honetako egoera politikoa. Haren ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
EH Bilduk ere babestuko du Gipuzkoan zerga turistikoa ezartzea
EAJk eta PSEk Elkarrekin Podemosekin zeukaten akordioa lortuta EAEko hiru lurraldeetarako, eta bermatuta zegoen onartu egingo zela.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.
Imanol Pradalesek azalpen “azkar eta gardenak” eskatu dizkio Zapaterori, eta EH Bilduk zuhurtzia eskatu du, Plus Ultra auziaren aurrean
Lehendakariak azalpenak eskatu dizkio Jose Luis Rodrigez Zapatero Espainiako presidente ohiari, Plus Ultra auzian inputatu ondoren, eta errugabetasun-presuntzioa errespetatzeko beharra azpimarratu du. Bestalde, EH Bilduk, Nerea Kortajarenaren bidez, zuhurtzia eskatu du eta ohartarazi du horrelako auziek “zurrunbilo” politiko eta mediatikoak sor ditzaketela.