Gorteen desegitea eta hauteskundeen deialdia argitaratu ditu Espainiako Estatuko Aldizkari Ofizialak
Gaur, asteartearekin, argitaratu du Espainiako Estatuko Aldizkari Ofizialak Gorteen desegiteari eta datorren uztailaren 23ko hauteskunde orokorren deialdiari buruzko errege dekretua, Espainiako jarduneko presidente Pedro Sanchezek eta Felipe erregeak sinatuta.
Behin 400/2023 Errege Dekretua argitaratuta, zabalik dira hauteskunde prozesua eta Hauteskunde-araubide Orokorraren Lege Organikoan jasotako egutegia.
Prozesuan giltzarri da gaurko eguna, 2019ko azaroaren 10ean aukeratutako Kongresua eta Senatua desegin baitira. Bi ganbera horietako kide iraunkorrek soilik eutsi diote jardunari. Gainerako parlamentariek atribuzioak galdu dituzte, soldata eta eskumena barne.
Halaber, errege dekretuak ofizialdu egin du hauteskunde orokorren data. Sanchezek atzo iragarritakoa betez, uztailaren 23an egingo dira bozkak, hau da, araua argitaratu eta 54 egunera.
Bestalde, hauteskunde kanpainaren hasiera eta amaiera datak zehaztu ditu argitalpenak. Uztailaren 7an, San Fermin egunean, (00:00etan) hasi eta hilaren 21ean bukatuko da (24:00etan).
Azkenik, Ganberak zein egunetan osatuko dituzten jaso du dekretuak. Hain zuzen ere, abuztuaren 17an, 10:00etan, hartuko dute diputatu eta senatariek beren eserlekua, eta orduan aukeratuko dituzte presidentea eta bi Ganberetako Mahaietako gainerako ordezkariak.
Zein dira epeak?
Hautagai zerrendak 15 eta 20 egun arteko epean aurkeztu beharko dira Hauteskunde Batzordean. Alabaina, alderdiak koalizioan aurkezten badira, epe hori 10 egunekoa izango da.
Alderdiek ez dute, beraz, tarte luzerik erabakiak hartzeko. Dena den, Podemoseko idazkari nagusi Ione belarrak atzo iragarri zuen dagoeneko hasi direla Yolanda Diazek zuzendutako Sumar plataformarekin lanean, "koalizioan aurkezteko asmoz".
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.