Ortuzar: "Ez gara PP-Vox koaliziora batuko, baina Sanchezek gauzak aldatu beharko ditu gure babesa lortzeko"
Euskadi Buru Batzarreko presidente Andoni Ortuzarrek gogoeta egin du atzo Pedro Sanchezek egindako hauteskunde deialdiaren inguruan, Radio Euskadiko "Boulevard" saioan gaur, asteartearekin, eman duen elkarrizketan. Feijoo ala Sanchez, nor nahiago duen galdetuta, irmo erantzun du: "Bere hitza betetzen duena", nahiz eta zehaztu duen EAJ ez dela PP-Vox koaliziora batuko, eta Sanchezek gauza asko aldatu beharko dituela jeltzaleen babesa lortzeko.
Ortuzaren hitzetan, EAJ izan da Sanchezek izan duen bazkide "zintzo eta egonkorrena". Bestalde, onartu du oso zaila dela PPko buru Alberto Nuñez Feijoori aukera bat ematea, "ez dugulako benetako Feijoo ezagutzen". "Sanchezek nahiera erabili gaitu, gu eta guztiok, baita bere alderdikideak ere, eta ez du hitzemandakoa bete. Umiltasuna eta enpatia erakutsi beharko ditu orain bere bazkideekin. Edozeinek esan dezake Sanchezek gogor hartu duela", esan du.
Gaia aldatuta, Aitor Esteban berriro ere Bizkaiko zerrendan buru izango denik baieztatu ez duen arren, bai adierazi du "balio handiko politikaria" dela: "Ez dut lagun moduan hitz egiten, Estatuko parlamentari entzutetsuenetako da, Euskadirentzat bermea da".
Espainiako hauteskundeak bazter utzi eta igandeko emaitzei gainbegiratua egin die Ortuzarrek. Arnaldo Otegiren adierazpenen aurrean —Euskadin ziklo politiko berri bat zabaldu dela esan zuen—, azpimarratu du EAJko boto-emaile asko etxean geratu zirela, baina ez zutela beste alderdi baten alde egin. "Ziklo aldaketa gertatzeko masiboki eman behar diote botoa beste alderdi bati", erantsi du.
Igandekoa jeltzaleentzat "kokotekoa eta astindua" izan bazen ere, gogorarazi du hauteskundeak irabazi zituztela. "Gugan eragina izan duten faktore asko daude, ez dago arrazoi bakarra", azaldu du.
Bukatzeko, datorren hilabetean irits litezkeen balizko itunei buruz aurreratu du "egungo akordioei" eusteko asmoa dutela, "betiere tokian tokiko errealitateak aintzat hartuta". Horrekin lotuta, Otegiri erantzun dio EH Bilduk ere zerrenda bozkatuenari utzi beharko liokeela gobernatzen. "Zer ari da bera eskatzen Iruñerako? Ezin da gauza bat eskatu, eta beste bat egin", nabarmendu du.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.