Azkoitia Baik bere alkategaia babestuko du, baina erabaki horrek EAJri Alkatetza eman diezaioke
Azkoitia Bai Elkarrekin herri plataformak Azkoitiko (Gipuzkoa) Alkatetzarako hautagaitza aurkeztea erabaki du gaur, eta horrek, printzipioz, EAJk udal gobernua gehiengo sinplez bereganatzea erraztuko luke, betiere EH Bilduk moreei babesa ematen ez badie jeltzaleek Udalaren kontrola har ez dezaten.
Plataforma independente hori Elkarrekin Podemosen babespean aurkeztu zen hauteskundeetara, eta koalizio morearen jarraibide orokorretik aldendu da: EH Bilduri babesa ematea, Alkatetza lor dezakeen lekuetan, gehiengo aurrerakoiak osatzeko.
EAJk irabazi zituen hauteskundeak 11.600 biztanleko udalerri gipuzkoar horretan, zazpi zinegotzi lortuta; EH Bildu izan zen bigarren indarra, seirekin; Azkoitia Bai Elkarrekin koalizioak hiru lortu zituen, eta PSE-EEk bakarra.
Plataformako hiru zinegotziek Elkarrekin Podemosen agindua jarraitu izan balute, EH Bildurekin bederatzi zinegotzi batuko lituzkete, EAJri alkatetza kenduz, baina batzarra egin dute arratsaldean, eta alkategaia aurkeztea eta beren burua bozkatzea erabaki dute.
Horrela, EAJk eta EH Bilduk, Azkoitian gobernatu nahi duten bi indarrek, alkategaiak aurkeztuko balituzte, alderdi bakar batek ere ez luke lortuko Alkatetza eskuratzeko beharrezkoa den gehiengo osoa, eta, beraz, zerrenda bozkatueneko hautagaia izendatuko lukete, kasu honetan, Ana Azkoitia zerrendaburu jeltzalea.
Zure interesekoa izan daiteke
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.
Nafarroako Parlamentuak urtebeteko luzamendua onartuta, itunpeko sareko 14 ikasgelak ez dira itxiko datorren ikasturtean
UPNk bultzatutako ekimenak erregionalisten, PPren eta Voxen aldeko botoak jaso ditu. EH Bildu eta Geroa Bai abstenitu egin dira, eta PSNk eta Contigo Zurekin alderdiek kontra bozkatu dute.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Euskal Gardentasun Legeak aurrera egin du, oposizioaren babesik gabe
Gardentasunaren Euskal Lege berriak informazio publikorako sarbidea, herritarren parte-hartzea eta lobbyen jarduera arautuko ditu. Araua EAJren eta PSEren babesarekin atera da aurrera, eta oposizio osoak baztertu du, uste baitute ez dela nahikoa eta anbiziorik gabekoa dela.
PSNk eta Geroa Baik behin betiko hautsi dituzte hezkuntza itunen inguruko negoziazioak
PSNren, Geroa Bairen eta EH Bilduren arteko elkarrizketak hautsi egin dira Nafarroako Parlamentuan, eta ez dago akordiorik itunpeko sareko 14 unitate ixtea saihesteko. Zuzenketen bozketak erabakiko du orain UPNk hezkuntza itunen inguruan bultzatutako lege proposamenak aurrera egiten duen ala ez.
Albiste izango dira: Itunpeko ikasgelen itxierari buruzko osoko bilkura, Xi Jinping eta Donald Trumpen arteko bilera eta Orioko balea harrapatu zutela 125 urte
Gaurkoan Orain-en albiste izango direnen laburpena, bi hitzetan.