Indarkeria matxistari buruzko protokoloak berrikusteko eskatu dio Legebiltzarrak Jaurlaritzari
Eusko Legebiltzarreko gaurko osoko bilkuran indarkeria matxistari buruz EH Bilduk aurkeztutako proposamena eztabaidatu dute, eta EAJk, EH Bilduk, PSE-EEk eta Elkarrekin Podemos-IUk erdibideko akordioa lortu dute. PPk alde bozkatu du eta Voxek, ostera, aurka. Alderdiek adostu dutenaren arabera, Eusko Jaurlaritzari eskatu diote protokoloak eta Erakundeen arteko III. Akordioa berrikustea, eta indarkeria matxistaren jarraipen batzordeak hasitako bideari jarraipena ematea.
Era berean, indarkeria matxistaren jarraipen batzordean hauek ere parte hartzea proposatu dute: indarkeria matxistari biziraun dioten emakumeak, adituak eta emakume horiek laguntzen edo ordezkatzen dituzten erakunde eta elkarteetako kideak.
Halaber, Orioko eta Gasteizko hilketa matxistek hedabideetan izan duten tratamendua ikertzeko eskatu diote Jaurlaritzari. Zehazki, Begira batzordean ikerketa bat abiatzea proposatu dute, komunikabideen jarraipena tratamendu hori autoerregulazio kodearekin bat datorren ala ez zehazteko.
Emaitzak ezagutu ostean, autoerregulazio kodea sinatu duten hedabideekin lanketa egingo da, besteak beste, hartutako konpromisoak indartzeko eta hemendik aurrerakoei ekiteko.
Mozio horren bitartez, ekintza zehatzak eskatu dizkiote Jaurlaritzari. Lehenik, premiazko prestakuntza abian jartzea, arreta pertsonalizatua eskaintzea eta epaitegiei eta protokoloei loturiko baliabideak areagotzea.
Bigarrenik, proposamen guztiak sistematizatzeko eta lan plan batean jasotzeko galdegin diote Jaurlaritzari, 2023-2024ko bilkura-aldia amaitu baino lehen.
Hirugarrenik, Jaurlaritzaren eta talde parlamentarioen arteko jarraipena egitea aldarrikatu dute. Adostutako testuaren arabera, Eusko Jaurlaritzak gutxienez urtean behin parte hartuko du, ofizioz, Eusko Legebiltzarreko Giza Eskubide, Berdintasun eta Justizia Batzordean eta baita legebiltzarreko alderdiren batek eskatzen duenean ere.
Azkenik, prozesu honetan guztian ikuspegi intersekzionala berrikusi eta txertatu behar dela azpimarratu dute, arrazakeriaren aurkako borrokan arreta jarrita.
Albiste gehiago politika
Gure Eskuk "subiranotasun osoa" lortzeko aurrera egitea eskatu die alderdi politikoei, estatus politikoari buruzko eztabaidan
Mugimenduak azpimarratu du zazpi euskal lurraldeen burujabetza eta batasunerako bide praktikoak sartzearen garrantzia, Euskadiren estatus politikoari buruzko balizko edozein akordiotan.
Pradalesek eta Illak migrazioaren kudeaketa eta euskararen, katalanaren eta galizieraren ofizialtasuna aztertu dituzte
Aipatu hiru hizkuntzak "Bruselan entzun eta erabil daitezen" hartutako konpromisoa berretsi dute gaurko bileran, eta azpimarratu dute elkarrekin lanean jarraituko dutela Europako erakundeetan "ofizialtasuna lortu arte".
Kataluniako bizikidetza ez dela "osoa" izango berretsi du Illak, Puigdemonti eta Junquerasi Amnistia Legea aplikatu arte
Kataluniako bizikidetza ez dela "osoa" izango berretsi du Salvador Illa Generalitateko presidenteak, Carles Puigdemonti Amnistia Legea aplikatu arte, Kataluniara itzultzea errazteko, eta Oriol Junquerasi hauteskundeetan aurkeztu ahal izateko. "Zergatik diogu beldurra denok egongo garen etorkizun bati?", galdetu du.
EAJk "diskrezioa" eskatu die alderdiei estatus berriaren negoziaketaren inguruan
ETB1eko "Egun on Euskadi" saioan egindako elkarrizketan, Joseba Diez Antxustegi EAJren Legebiltzarreko bozeramaileak adierazi du estatus berriaren negoziaketen inguruan alderdiak egiten ari diren adierazpenek ez diotela on egiten lortu nahi den akordioaren lanarai. Hala ere, Antxustegi baikor agertu da eta alderdien arteko elkarrizketa "ondo aterako direla" uste du.
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.