Andoni Unzalu politikari eta EITBko kolaboratzailea hil da
Andoni Unzalu Garaigordobil PSEko kide ezaguna hil da gaur, ekainak 25, denbora luzez gaixo egon eta gero.
67 urteko abadiñarra Patxi Lopez lehendakariaren oso gertukoa izan zen eta aholkulari ere izan zuen karguan lehendakari zen urteetan. Hain zuzen ere, Lehendakaritzako idazkari nagusi izan zen Unzalu Patxi Lopezen Gobernuan.
Eusko Jaurlaritzako Herritarren Partaidetzako eta Dokumentazioko idazkari nagusi ere izan zen eta pasa den urrian Mario Onaindia saria jaso zuen Zarautzen.
Bere garaian EAJren inguruan ibili bazen ere, Ibarretxe lehendakariaren garaian, alderdi jeltzaletik urrundu eta Joseba Arregi Kultura sailburu ohiak sortutako Aldaketa kolektibora lotu zen, abertzaletasunari alternatiba bilatu behar zitzaiola aldarrikatuz. Geroago, PSErekin legebiltzarkide izan zen eta handik egin zuen jauzi lehendakaritzara.
Intelektual, idazle eta euskaltzalea, Euskadi Irratian, Radio Euskadin zein ETB1 eta ETB2ko tertulia politikoetan parte hartu zuen maiztasunez. Abertzaletasunarekin oso kritikoa izan zen, independentzia nahien kontrakoa eta EAJrekin zein ezker abertzalearekin oso gogorra. ETA sutsuki gaitzetsi eta ETAko biktimen aldarrikapen ozena egin zuen beti.
2018an "Ideas O Creencias: Conversaciones Con Un Nacionalista" idatzi zuen eta 2019an "Momentos Estelares De La Historia Del Socialismo".
Rodolfo Aresen heriotza zela eta, Euskadi Irratian eman zuen EITBn bere azken elkarrizketa.
Sare sozialetan zabaldutako mezu batean, Patxi Lopezek "lagun handitzat" jo du Unzalu, eta azpimarratu du "aldaketaren gobernuaren kolaboratzaile ordezkaezina" izan zela, baita "ezinbesteko erreferentea bere burua birpentsatzera behartutako ezker sozialista batentzat" ere.
Eneko Andueza PSE-EEko idazkari nagusiak "pena handiz" hartu du Unzaluren heriotzaren albistea, EITBri azaldu dionez, "alderdian eta pertsonalki oso pertsona gertukoa izan da" eta "intelektualki hainbeste eman duen jendea hiltzeak" ematen duen tristura nabarmendu du.
Unzaluk ideologikoki egindako eboluzioa azpimarratu du Anduezak eta "une gogorretan hor egon" izana. Halaber, "askatasunaren alde hainbeste" egin izana aitortu dio, eta gaineratu du estimatzekoa dela "herri honi egin dion ekarpena".
Biktimen elkarteetatik ere doluminak agertu dituzte:
Zure interesekoa izan daiteke
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.