PPk irabaziko lituzke hauteskunde orokorrak, baina PSOE-Sumar ezkerreko blokeak gobernatu ahal izango luke
Espainiako Ikerketa Soziologikoen Zentroak (CIS) egin duen azken inkestaren arabera PPk irabaziko lituzke uztailaren 23ko hauteskunde orokorrak. Bozken % 31,4 eskuratuko lituzke eta datu horrek 122 eta 140 aulki artean emango lizkioke. Hala ere, ezingo luke Vox-ekin batera gobernatu, honek bere diputatuen erdiak galduko lituzkeelako.
PSOE izango litzateke bigarren indarra Estatuan, botoen % 31,2 lortuta. CISen arabera, 115 eta 135 diputatu artean izango lituzke eta Espainiako Gobernua mantentzeko aukera izango luke Sumar koalizioaren babesari esker. Izan ere, Yolanda Díaz buru duen taldea hirugarren lekuan jarriko litzateke botoen % 16,4 eta 43 eta 50 aulki artean bereganatuta.
Vox laugarren postura jaitsiko litzateke inkesta honen arabera. Bozken % 10,6 eta 21 eta 29 aulki artean lortuko lituzke, gaur egun dituen 52 diputatuetatik urrun.
Datu hauek kontuan hartuta, PP eta Vox 169 ordezkari izatera iritsi daitezke inkestak ematen dizkien daturik onenak gehituz gero, baina gehiengo absolutura iristeko beste 7 beharko lituzkete. Aldiz, PSOEk eta Sumarrek aise gaindituko lukete muga hori, inkestaren datu onenak batuta, 185 ordezkari izango lituzketelako.
Emaitza hauek jasotzeko 29.201 elkarrizketa egin zituen CISek ekainaren 8 eta 27aren artean, alderdiak autonomia erkidegoetako eta udaletxeetako itunak eta akordioak negoziatzen ari ziren bitartean.
Alabaina, inkestak ate guztiak zabalik uzten ditu oraingoan; izan ere, alderdi bakoitzari esleitzen dizkion diputatu kopuruen tartea handia da eta aldaketa handiak egon daitezke.
Emaitzak Hego Euskal Herrian
CISen arabera, sozialistek irabaziko dituzte hauteskundeak Hego Euskal Herrian. EAEn 4 eta 7 ordezkari artean lortuko lituzkete eta Nafarroan, berriz, 2.
EH Bildu izango litzateke bigarren indarra. EAEn 3 eta 6 diputatu artean lortuko lituzke inkestaren arabera eta Nafarroan bat bereganatuko luke.
Sumar koalizioak lau aulki lortuko lituzke guztira Hego Euskal Herrian, 3 EAEn eta bat Nafarroan.
EAJk, berriz, CISen arabera, 3 eta 5 ordezkari artean lortuko lituzke.
Azkenik, Alderdi Popularrak guztira 3 aulki lortzeko aukera izango du; horietako 2 EAEn eta bat Nafarroan. Voxek ez luke ordezkaririk lortuko Hego Euskal Herrian.
Zure interesekoa izan daiteke
Eneko Anduezak espero du Zapaterok justiziaren aurrean emango dituen "argudioak nahikoak izatea absoluziorako"
Eneko Andueza PSE-EEko idazkari nagusiak adierazi duenez, “espero” du Espainiako Gobernuko presidente ohi Jose Luis Rodríguez Zapaterok justiziaren aurrean emango dituen “argudioak” “nahikoak izatea absolbitua izan dadin”. Bestalde, Bilbo eta Donostia 2030eko Munduko Txapelketaren egoitza izateko aukerari buruz agertu diren zalantzez, batez ere euskal erakundeen eta EAJren aldetik, Anduezak esan du “batzuei bertigoa sartu zaiela” ekitaldi hori antolatzearen inguruan, eta ez dela bakarrik begiratu behar “epe laburreko errendimendua”.
Asensiok esan du "erabateko konfiantza" duela Zapaterorengan, eta auzipetze-autoan "susmoak" besterik ez daudela
Jose Ignacio Asensio Gipuzkoako PSE-EEren idazkari nagusiak Radio Euskadiko mikrofonoen aurrean adierazi du Jose Luis Rodriguez Zapaterorengan “erabateko konfiantza” duela. Halaber, auzipetze-autoan "frogarik ez" dagoela eta, une batzuetan, "errugabetasun printzipioa urratu egiten" duela ere esan du.
Jesus Eguiguren: "'Lawfare'a baino gehiago da, estatu kolpe bat martxan dago legegintzaldi guztian"
PSE-EEren presidente ohiaren arabera, Sanchezek Zapateroren "kolpea" ere gaindituko du eta legegintzaldiaren amaierara arte iraungo du.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
Rufianek hauteskunde batzuetan zerrendaburu izatea onartuko luke, horrek ezkerra batzen lagunduko balu
Gabriel Rufian ERCk Kongresuan duen bozeramaileak defendatu du ezker soberanistaren eta espainiarraren arteko hautagaitza baten buru izango litzatekeela, horrek "hauteskunde-emaitzak handitzen" lagunduko balu, eta "aurrera!" egiteko oihua egin du.
Chivitek, Esparzari: "Gauza bat da arazoak egotea, eta beste bat, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNren parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularraren presidentearen iritziz, "orain arte ikusi gabekoa da" Espainiako une honetako egoera politikoa. Haren ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
EH Bilduk ere babestuko du Gipuzkoan zerga turistikoa ezartzea
EAJk eta PSEk Elkarrekin Podemosekin zeukaten akordioa lortuta EAEko hiru lurraldeetarako, eta bermatuta zegoen onartu egingo zela.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.
Imanol Pradalesek azalpen “azkar eta gardenak” eskatu dizkio Zapaterori, eta EH Bilduk zuhurtzia eskatu du, Plus Ultra auziaren aurrean
Lehendakariak azalpenak eskatu dizkio Jose Luis Rodrigez Zapatero Espainiako presidente ohiari, Plus Ultra auzian inputatu ondoren, eta errugabetasun-presuntzioa errespetatzeko beharra azpimarratu du. Bestalde, EH Bilduk, Nerea Kortajarenaren bidez, zuhurtzia eskatu du eta ohartarazi du horrelako auziek “zurrunbilo” politiko eta mediatikoak sor ditzaketela.