Proposamenik gabeko eztabaida garratza izan dute Sanchezek eta Feijook
Bestearen txanda behin eta berriz etenda, elkarri gezurretan aritzea leporatuta, eta proposamen zehatzak egin gabe. Halaxe joan da U23rako bi hautagai nagusiek kanpaina egin beharreko aurrez aurreko bakarra. Pedro Sanchez sozialista eta Alberto Nuñez Feijoo popularra mokoka ibili dira eztabaidak iraun dituen ia bi orduetan.
Batak zein besteak egindako itunek piztu dute ika-mika zakarrenak. Hala, Sanchezek Vox hartu du ahotan, eta Feijoori "matxista" den alderdi batekin akordioak egitea egotzi dio. "Voxen matxismoaren aurrean amore eman duzu", aurpegiratu dio.
PPren buruzagiak, berriz, sozialistek EH Bildurekin egindako itunak gaitzetsi ditu: "ETAren beso politikoa da". Are gehiago, Miguel Angel Blanco ETAk duela 26 urte bahitu eta hildako PPren zinegotziaren irudia goratu du, akordioen inguruko "leziorik" onartuko ez duela azpimarratuta. PPko buruzagi batzuk kanpainan erabiltzen ari diren "Que te vote Txapote" leloa gaitzesten duen galdetuta, Feijook erantzun du "Txapote terrorista bat" dela eta sozialistek "terrorismoagatik zigortutako pertsonekin akordioak egin" dituztela salatu du.
Hurrengo hauteskundeetarako proposamena egin du PPko buruak, eta boto gehien lortzen dituen indarrari gobernatzen uzteko konpromisoa idatziz jasotzeko galdegin dio Sanchezi. Hori horrela, sozialistek irabazten badute abstenitu egingo dela hitzeman du PPk, PSOEk modu bertsuan egiten badu PP nagusituz gero. PSOEko hautagaiak, baina, ez du proposamena onartu, eta dokumentua Atresmediako estudioetan geratu da.
Izan ere, erantzun modura, honakoa bota du Espainiako egungo presidenteak: "Hitz egin (Guillermo Fernandez) Vararekin" (Extremadurako jarduneko presidentea), Voxen laguntzarekin Maria Guardiola PPko hautagaia presidente egiteko aukerari erreferentzia eginda.
Indarkeria matxista ahotan hartzea saihestu du Feijook
Indarkeria matxistaren biktimez eta Voxek horren inguruan duen jarreraz (Valentzian eraildako emakumearen aldeko elkarretaratzean bilkuratik atera zen ultraeskuinako ordezkaria) galdetu diote PPko buruzagiari, baina Feijook erantzuna saihestu du eta "Bai bakarrik da bai" legea kritikatzeko baliatu du. "Astakeria bat izan da, 117 bortxatzaile matxista kalean utzi dituena", bota du.
Sanchezek aitortu du legea "akats juridikoa" izan zela, baina azpimarratu du Feijook biktimei aipamenik ez egitea "oso kezkagarria" dela.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.