PSN garaile Nafarroan, bi diputaturekin, eta EH Bilduk, UPNk eta PPk bakarra lortu dute
PSN-PSOEk irabazi ditu hauteskundeak Nafarroan, botoen % 95 zenbatuta, Barne Ministerioak emandako datuen arabera.
Sozialistek bi diputatu lortu dituzte, PPk bat, EH Bilduk bat eta UPNk beste bat.
Bozen % 90 zenbatuta, Sozialistek 88.490 boto lortu dituzte Nafarroan, EH Bilduk 56.486, PPk 53.750 eta UPNk 49.424.
Sumarrek 41.440 babes bildu ditu, baina ez da nahikoa izan Foru Erkidegoan eserleku bat lortzeko. Vox eskuin muturreko alderdiak 18.355 boto lortu ditu, eta Geroa Baik 9.392.
Senatuari dagokionez, PSNk hiru ordezkari lortu ditu Goi Ganberan, aurreko hauteskunde orokorretan baino bi gehiago, eta EH Bilduk senatari bakarrari eutsi dio.
Foru Erkidegoan % 68,93ko parte-hartzea izan da, aurreko hauteskunde orokorretan baino % 3,03 gehiago. Guztira, 132.309 nafarrek gauzatu dute botoa emateko eskubidea. Abstentzioa % 31,06koa izan da.
Ramon Alzorriz PSNko Antolakuntza idazkariak parte-hartze handia txalotu du. Alzorrizek eskerrak eman dizkie nafar guztiei parte hartzeagatik eta PSNrengan jarritako konfiantzagatik: "Herritarrek ezker osoa berretsi dute, eta pozik daude orain arte egindakoarekin".
"Askok hiltzat ematen gintuzten, baina Pedro Sanchezek eta PSNk bizitza asko dituzte", esan du.
"Erakutsi dugu fidatzekoak garela, ezkerreko bideari ekin diogu eta pertsonengan pentsatu", gaineratu du Alzorrizek.
Bestalde, Bel Pozueta Kongresurako EH Bilduren Nafarroako hautagaia "oso eskertuta" agertu da jasotako babesagatik, Diputatuen Kongresura itzultzea ahalbidetzen diolako, "Nafarroako herritarrentzat eskubide gehiago eta askatasun gehiago lortzeko".
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.