Feijook bi urteko legegintzaldia eskaini du, baina Sanchezek errefusatu egin du
Alberto Nuñez Feijoo PPko presidenteari "argi" geratu zaio, bere hitzetan, Pedro Sanchez PSOEren buruzagi eta Espainiako Gobernuko jarduneko presidenteak "nahiago" duela "independentistekin akordioa lortu eta horien exijentziak (amnistia eta errefendumak, besteak beste) nola bete bilatzea" PPk proposatutako estatu-ituna onartzea baino.
PPko buruzagiak agerraldia egin du eguerdian, Sanchezekin ordubetez bilduta egon ostean. Irailaren 26ko inbestidura saiorako babesak lortzeko asmoz, PSOEren buruarekin abiatu du Feijook Kongresuko taldeekin (EH Bildu salbu) egin asmo duen bilera-erronda.
Feijook deitoratu duenez, bere proposamenari "ezezko borobila" eman dio Sanchezek, eta azpimarratu du "eginahalak" egingo dituela bere helburua lortzeko, hots, "espainiar guztien berdintasuna bermatzea".
Feijooren ustez, "independentismoa harrotuta" dabil, U23ko "botoen % 6 baino ez bada ere", Espainiaren gobernagarritasuna "baldintzatzeko" eta "estatu-politikak erabakitzeko" ahalmena du. Ifrentzuan, berak "PP eta PSOE bi alderdi nazionalen erantzukizun historikoari" dei egin dio Gobernua osatzeko. Horrenbestez, eta sozialistekin dituen ezberdintasunak "asko" badira ere, "idatziz alternatiba" helarazi dio Pedro Sanchezi: bi urteko legegintzaldi bat proposatu dio, "estatu mailako sei gairen inguruan" ituna eskatuta.
Hauek dira PSOEko buruari helarazitako akordio proposamenak: Espainiako erakundeen "eraberritze demokratikoa", justizia tartean; ongizate gizartean aldeko ituna, osasuna, hezkuntza, berdintasuna eta pentsioak ardatz direla; "onbideratze ekonomikoa"; familien aldeko itun bat, kontziliazioa sustatzeko; uraren aldeko itun nazionala, eta, azkenik, "Konstituzioak jasotako nazio espainolaren lurralde osotasuna defendatzeko akordioa", independentzia eta amnistia eskaerak baztertuta.
Kazetarien galderei erantzunez, Feijook esan du baztertu egin duela Sanchezek Botere Judizialaren Kontseilu Nagusia berritzeko egindako proposamena. Iturri sozialisten arabera, inbestiduran nor gailentzen den gorabehera, epaileen organo gorena 2024a baino lehen berritzeko proposamena egin dio Sanchezek Feijoori.
Azkenik, Feijook iragarri duenez, gaur bertan hitz egingo du Iñigo Urkullu lehendakariarekin, Kongresuko taldeekin zein presidente autonomikoekin abiatu duen bilera sortaren barruan. Urkulluk atzo esan zuen PPko buruarekin harremanetan jartzeko asmoa zuela (mezua bidali zion WhatsApp bidez, baina Feijook ez omen zuen ikusi). Dena dela, gaur arratsalderako egin dute hitzordua:
PSOE: "Ez dugu Feijooren inbestidura babestuko"
Pilar Alegria jardunean den Espainiako Gobernuko bozeramaileak egin du PSOEren balorazioa. Horren esanetan, Feijoorekin bildu ondoren PSOEren zuzendaritza federala batzartu du Sanchezek, eta erabaki bat hartu dute: sozialistek ez dute PPko buruaren inbestidura babestuko. Feijoo "sanchismoa indargabetzen saiatuko da, baina pertsuasio dohainak falta izan zaizkio", esan du ironiaz.
Hezkuntza ministro ere badenak nabarmendu du Feijoorena "alferrikako inbestidura" izango dela, eta errespetua eskatu dio PPri, sozialisten artean "transfugismo dei etengabeak" egin baitituzte.
Zure interesekoa izan daiteke
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.