Konbentzio konstituzional batek nazio aniztasunaren "bidegurutzeari" bide emango lioke, Urkulluren ustez
Iñigo Urkullu lehendakariaren ustez, konbentzio konstituzional batek, herenegun urte politikoari ekiteko agerraldian proposatu zuen baliabideak, Espainiako Estatuko nazio aniztasunaren "bidegurutzeari" irtenbidea emango lioke.
Hala nabarmendu du gaur El Pais egunkarian kaleratu duen iritzi artikulu batean ("Euskal autogobernua eta Estatuko eredu nazio anitza. Borondatea badago, akordioa posible da" du izenburutzat).
Urkulluk azaldu duenez, kultura politiko anglo-saxoian erabilitako baliabidea da, eta ez litzateke Espainiako Konstituzioa aurrez aldatu behar. Zehatz jarrita, aldebiko foro horrek "1978ko Konstituzioak ondo konpondu ez zuen lurraldetasunaren auzia" aztertu eta eguneratzeko ardura edukiko luke. Lehendakariaren hitzetan, konbentzioa ez da "formula magikoa edo oztopo gabeko bidea", baina "etorkizuneko garapenerako aukera berriak" ematen ditu; izan ere, "borondatea" baino ez da behar, horren iritzian.
Konbentzioa egiteko une egokia dela uste du Urkulluk, uztailaren 23ko hauteskunde orokorren emaitzek "Estatuko aniztasuna berretsi" baitzuten. Hori horrela, "akordio bikoitza" proposatu du. Batetik, "autogobernuari buruzko konbentzio konstituzionala deitzeko eta garatzeko oinarrien inguruko akordio bat sinatzea". Horen harira, zehaztu du oinarriok Estatuaren nazio aniztasuna aitortu beharko luketela, eta aldebikotasuna eta "berme-sistema edo erabakitzeko gaitasun itundua" barne eduki beharko lituzkeela. Bestetik, data ere proposatu du lehendakariak; urtebeteko epea planteatu du konbentzioa egiteko, eta, horren ustez, honakoak aztertu beharko lirateke bertan: "Konstituzioaren lehen xedapen gehigarriaren egungo egoera eta etorkizuna", "foru-oinarriak dituzten erkidegoen autogobernua" eta "nazionalitate historikoen autogobernua".
Erreakzioak
Bingen Zupiria Eusko Jaurlaritzako bozeramaileak nabarmendu egin du Urkulluk konbentzio konstituzionalaren ideia planteatu izana. Euskadi Irratian eskaini duen elkarrizketa batean gogorarazi duenez, "lehendakaria proposamenak egiten ari da etengabe".
Bestalde, Felix Bolaños Espainiako Gobernuko jarduneko Presidentetza ministroak adierazi du lehendakariaren proposamena "oso legitimoa" dela.
Albiste gehiago politika
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".