Zeintzuk dira epeak eta balizko datak Feijooren inbestidurak porrot egin ostean?
Alberto Nuñez Feijoo Espainiako presidente izateko PPren hautagaiak erronka ia ezinezkoa zuen asteon inbestidura saioan, eta aurreikuspenek ez dute huts egin. Porrot egin ostean, berriro jarriko da martxan prozedura guztia, eta gehienez bi hilabeteko epean (azaroaren 27ra arte) nahi beste eztabaida hartu ahalko dituzte Kongresuan. Honako hauek dira legez aurreikusita dauden epeak eta horietarako dauden balizko datak:
- Feijooren inbestiduraren porrota ofizialki jakinaraztea: PPren hautagaiak bozketa galdu ondoren, Francina Armengol Kongresuko presidenteari dagokio horren berri erregeari ematea. Gaur bertan joango da Zarzuelara jakinaraztera.
- Hurrengo bilera erronda: Estatuburuak bigarren bilera txanda deituko du astelehen honetan talde parlamentarioekin, PPko buruaren inbestiduraren porrotaren ostean. Oraingo honetan, Pedro Sanchez PSOEko burua eta jarduneko presidentea inbestidurarako hautagai gisa proposatzea espero da.
- Hurrengo hautagaia eta inbestidura saiorako data. Balizko aukeren artean, urriaren 16ko astea dago. Erregeak hautagai bat izendatu ostean, Kongresuko presidenteak du eztabaidaren data ezartzeko ardura. Kongresuko araudiak ez du zehazten hura egiteko epe jakinik. 170. artikuluak honako hau baino ez du jasotzen: "Gobernuko Presidentetzarako hautagaiaren proposamena jasota, Ganberako presidenteak osoko bilkura deituko du".
Horregatik da, hain justu, hain garrantzitsua Kongresuko Presidentetza. Armengoli dagokio datak zehaztea, eta nahi beste luza dezake Sanchezen inbestidurari eguna jartzeko erabakia, baina logikoena da Sanchezek babes guztiak dituenean deitzea. Dena dela, kasu horretan, kontuan hartu behar da legegintzaldi honetako erlojua martxan dagoela: asteazkenean abiatu zen, Feijooren inbestiduraren lehen bozketan. Espainiako Konstituzioaren 99. artikuluaren arabera, "lehen bozketatik bi hilabete igaro ondoren, ezein hautagaik ez badu Kongresuaren konfiantzarik lortu, erregeak ganbera biak desegin, eta hauteskundeak deituko ditu Kongresuko presidentearen onespenarekin".
Data ezarrita, Sanchezek ez du lan makala. PSOEk 121 eserleku lortu zituen hauteskundeetan, eta horiei Sumarren 31 botoak batu ahal dizkie. Negoziatuta, EAJ (5) EH Bildu (6) eta BNG (1) alderdien babesak bil ditzake, eta zailagoa izango omen du ERC (7) eta Junts (7) katalanen botoak lortzea. Lehen bozketarako (gehiengo osoa) bien baietza beharko luke Sanchezek; bigarrenerako (gehiengo sinplea), 172 boto behar ditu (PP, Vox eta UPNren botoak batuta baino bat gehiago).
Bi aukera ditu Sanchezek. Lehen aukera, sozialistak CCren aldeko botoa jaso eta 172ra heltzea, baina horretarako Juntsen abstentzioa beharko luke. Bigarrena, Sanchezek gutxienez Juntsen aldeko bi boto jasotzea eta Juntseko gainerako diputatuak abstenitzea, horrela bozketa irabaziko duela bermatzeko, nahiz eta CCk aurka bozkatu.
-Hauteskundeak errepikatzea. 2024ko urtarrilaren 14a. Azaroaren 27ra arte dago hautagairen batek beharrezko babesak lortzeko. Hala ez balitz, ganberak desegin eta hauteskundeak deitu beharko dituzte berriro 2024. urtearen hasieran.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.