Kataluniako Parlamentuko Mahaiak argi berdea eman dio ERC eta JxCaten erreferendumaren ebazpenari
Kataluniako Parlamentuko Mahaiak atzera bota ditu ERCk eta JxCatek erreferendumari buruz eta ERCk, JxCatek eta CUPek amnistiari buruz emandako ebazpenen aurka Voxek eta Ciudadanosek egindako berraztertze-eskaerak, ganberako iturriek jakitera eman dutenez.
Hala, bi testu horiek gaur, ostirala, taldeek aurkeztutako ebazpen-proposamenen bozketarekin amaiutuko den Politika Orokorrari buruzko Eztabaidara iritsiko dira.
Atzo, ERCk eta JxCatek Pedro Sanchezen inbestidurari begirako testu bat adostu zuten, hura babesteko ezinbesteko gisa jarriz "erreferendum baterako baldintzak gauzatzeko lan egiteko konpromisoa" agertzea hark.
ERCren eta JxCaten testuak ordea, PSOEren eta PSCren erantzun bateratua jaso du bart, eta ohar baten bidez alderdi independentistei ohartarazi diete hausturaren eta desadostasunaren bidetik ez dagoela "aurrerapausorik", eta elkarrizketaren eta bizikidetzaren aldeko apustua berretsi dute, "beti Konstituzioaren barruan".
Parlamentuko Mahaiak argi berdea eman dio, halaber, hiru alderdi independentisten (ERC, JxCat eta CUP) amnistiari buruzko proposamenari. Bertan, Kataluniako Gobernuari "beharrezko ekintza guztiak" egiteko eskatu diote, "arrazoi politikoengatik" eta "eskubideak eta askatasunak gatazka sozial eta politikoaren esparruan defendatzeagatik". errepresaliatutako guztiak amnistian sartzeko.
Politika Orokorrari buruzko Eztabaidaren azken saioa ostiral honetan izango da Parlamentean. Han ikusiko da, besteak beste, ganberak Pere Aragonesengan eta bere Gobernuarengan duten konfiantza maila.
Albiste gehiago politika
Epaileak aginduta sartu da UCO Ferrazen, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.