Otxandiano, Hezkuntza legearen auziaz: "Gutxiengo batek inposatu dio bere kriterio politikoa gehiengo bati"
Hezkuntza Legearen proiektuaren aurrean EAJk eta PSE-EEk hizkuntza-ereduen inguruan aurkeztutako zuzenketak soka luzea ekarri du, eta atzo bezala, zuzenketa hori interpretatzeko modua argitzeko eskatu die biei Pello Otxandiano EH Bilduko Programa zuzendariak. Horren ustez, "gutxiengo batek —zuzenean aipatu ez badu ere, PSE-EE zuen gogoan— inposatu dio bere kriterio politikoa gehiengo bati, eta kriterio horrek ez du zerikusirik hezkuntza eztabaidarekin". Izan ere, azaldu duenez, orain arteko eztabaidetan sozialistek ez diote trabarik jarri ikasketak amaitzean euskarazko B2 maila galdegiteari, eta "badakite" ereduek ez dutela hori bermatzen. "Zertara dator orduan hizkuntza-ereduak blindatzeko exijentzia hori?", erantsi du.
Hauteskunde giroari egotzi dio gertatutakoa Otxandianok Euskadi Irratiko "Faktoria" saioan egindako elkarrizketan. "Hauteskundeak hurbilegi daude eta mundu guztia ari da kalkuluak egiten, segun zer bandera altxatu zenbat boto emango dizkion kalkulatzen". Hala, horren arabera, esku-sartze "politiko, koiuntural eta partidistak alteratzen ari dira orain arteko eztabaida".
Hori horrela, PSE-EEri zuzenduta eskatu dio argitu dezala nola izan daitezkeen bateragarri hizkuntza-ereduak eta proiektuaren 4. titulua —euskara ardatz gisa ezartzen duen eredu aniztunaren ingurukoa—. "Orain arte PSE-EEk ez du galderaren erantzuna eman, ez duelako erantzunik", salatu du. Otxandianoren ustez, Hezkuntza Legearekin gertatutakoa "oso larria da" gai estrategikoa delako eta datozen urteotako araudia ezarri behar delako. "Egiten ari direna txapuza bat da, politikoki eta juridikoki", nabarmendu du.
Azkenik, baztertu egin du legea hurrengo legegintzaldirako uztea. Otxandianoren aburuz, "interes gehiegi eta alderdi bat baino gehiago dago interesekin" lege hau aurrera atera ez dadin. Beraz, ondorioztatu duenez, "ez dago bermerik" eztabaida geroratuta legearen prozesua azken bururaino eramango dela ziurtatzeko.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.