Sanchez amnistiari buruz: "Negoziatzen ari gara eta jarrera jakin bat dugunean azalduko dugu"
Pedro Sanchez Espainiako jarduneko presidenteak amnistiari buruz hitz egitea saihestu nahi izan du beste behin, baina horri buruz galdetu diotenean, esan du "jarrera zehatza" jakinaraziko dutela abian dauden talde parlamentarioekin negoziazioak amaitutakoan.
"Talde parlamentarioekin negoziatzen ari gara", adierazi du ostegun honetan Granadan egingo den Europako Erkidego Politikoaren goi-bilerara iritsi denean. "Jarrera jakin bat dugunean azalduko dugu", gaineratu du, eta indultuen alde egin du berriro.
"Nik konfiantza nuen Kataluniako politikaren egonkortasunean eta normalizazioan lagunduko zuela, eta gaur egun ziur nago erabaki ona izan zela eta interes orokorraren ondorio izan zela", gaineratu du.
Sanchezen arabera, Alberto Nuñez Feijoo PPko buruzagiaren inbestidurarekin "bost aste galdu" ostean, "funtzio osoak dituen gobernu bat egotea" nahi du, baina hori gertatzeko "premia" dagoen bezala, "negoziazio konplexuak" ere egin behar dira, interes ezberdinak dituen arku parlamentario batekin.
Esan duenez, "legealdi honi hasiera emateko topagune bat aurkitu behar dugu, inbestidura bat ez ezik, legegintzaldia ere emango digun gehiengo parlamentario bat osatzeko".
Juntsek 'bai' edo 'ez' bozkatuko du Sanchezen inbestiduran
Bestalde, Juntsek PSOEri ohartarazi dio ez dela abstenituko Sanchezen inbestiduraren bozketan, eta 'bai' edo 'ez' bozkatuko duela, alderdiko iturriek azaldu dutenez.
Hala egingo dute, La Vanguardia egunkariak aurreratu duenez, nahiz eta Sanchezek Coalicion Canariaren (CC) babesa lortu, gaur Kanariar Uharteetako indar politikoa inbestidura babesteko prest agertu baita, Kataluniako alderdi independentistaren babesa behar ez izateko. Erabaki horrekin, Junts taldearen negoziazio taldeak eskaerei eustea espero du, CCren balizko babes batek eragin txikiena izateko.
Gainera, Carles Puigdemont Generalitateko presidente ohi eta Junts alderdiko eurodiputatuak gaur ziurtatu duenez, Salvador Illa PSCko idazkari nagusia "ezingo da inoiz solaskide baliagarria izan konfiantza sortzeko".
Zure interesekoa izan daiteke
Frantziako Fiskaltzak bete beharrik gabeko bost urteko zigorra eskatu du Josu Urrutikoetxearentzat
Frantziako estatutik behin betiko kanporatzea ere eskatu du fiskalak. Defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".